மோட்டார் சைக்கிள் பிரியர்கள் அனைவரும் விரும்பும் ஓர் அற்புதமான விளையாட்டு குறித்து தான் தற்போது பார்க்க இருக்கின்றோம்.

மோட்டார் சைக்கிள் மோகம், தற்போதுள்ள இளசுகளை விட்டு வைப்பதில்லை என்பதற்கு சிறந்ததொரு உதாரணம் தான் மோட்டார் சைக்கிள் பந்தயம்.

அதிலும் கரடு முரடான பாதைகளில் தன் திறமையை நிரூபிக்கும் சாகச விளையாட்டான மோட்டர் கிரோஸ் பந்தயத்துக்கு உலகளாவிய ரீதியில் மவுசு அதிகம்.

அந்த வகையில் உலகளாவிய ரீதியில் அனைவரினதும் கவனத்தை ஈர்க்கும் வகையில், புகழ் பெற்ற மோட்டர் கிரோஸ் பந்தயமொன்று நடத்தப்பட்டுள்ளது.

Red Bull Knock Out motocross beach race, பந்தயம் நெதர்லாந்தில் உள்ள ஹேக்  பகுதியில் நடைபெற்றது.

பந்தய வீரர்கள் மரக்கட்டைகள் நிறைந்த மணல் திட்டுகள் மற்றும் குழியும் குன்றுமான பாதைகளில் வீரர்கள், தங்களின் திறமைகளை வெளிப்படுத்த வேண்டும்.

இந்த மோட்டர் கிரோஸ் பந்தயத்துக்காக ஓடுதள வடிமைப்பாளர்கள் விஷேடமான ஓடுதளத்தை வடிவமைத்திருந்தனர்.

இந்த பந்தயத்தில் பங்கேற்க உலகளாவிய ரீதியில் உள்ள மிகப் பிரபல்யமான 1000 வீரர்கள் தகுதி பெற்றிருந்தனர். இதில் 750 வீரர்கள் இறுதிப் போட்டிக்கு முன்னேறினர்.

இரசிகர்களின் கண்களுக்கு விருந்தாக அமைந்திருந்த இப்போட்டியில், இரண்டு மணித்தியாலங்கள் போராடி 23 வயதான பிரித்தானியாவின் நெதன் வட்சன் சம்பியன் பட்டத்தை வென்றார்.

நெதர்லாந்தின் க்ளென் கோல்டன் ஹோஃப் இரண்டாவது இடத்தை பிடித்தார்.

ஜேர்மனியின் ஆன்ட்ரியாஸ் லேட்டன்பிர்க்லர், மூன்றாவது இடத்தை பிடித்தார்.

ஒட்டுமொத்த பந்தயங்களின் அடிப்படையில் பிரித்தானியாவின் பில்லி போல்ட் சம்பியன் பட்டம் வென்றார்.

இவரை தொடர்ந்து ஜேர்மனியின் ஆன்ட்ரியாஸ் லேட்டன்பிர்க்லர், இரண்டாவது இடத்தை பிடித்தார்.

பிரித்தானியாவின் நெதன் வட்சன் மூன்றாவது இடத்தை பிடித்தார்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.