சிறைகளில் தடுத்து வைக்கப்பட்டிருக்கும் தமிழ் அரசியல் கைதிகளின் விடுதலையை வலியுறுத்தி யாழில் அடையாள உண்ணாவிரதப் போராட்டமொன்று இன்று (திங்கட்கிழமை) மேற்கொள்ளப்பட்டுள்ளது.

வெகுஐன அமைப்புக்களின் ஒன்றிய ஏற்பாட்டில் யாழ்.மாவட்டச் செயலகத்திற்கு முன்னால் தற்போது ஆரம்பிக்கப்பட்டுள்ள இப்போராட்டம் மாலை 5 மணிவரை நடைபெறவுள்ளது.

அரசியல் கைதிகளின் கோரிக்கை நிறைவேற்று, அரசியல் கைதிகளை விடுதலை செய், பயங்கரவாத தடைச்சட்டத்தை நீக்கு ஆகிய மூன்று கோரிக்கைகளை முன் வைத்தே குறித்த போராட்டம் மேற்கொள்ளப்பட்டுள்ளது.

இந்நிலையில் வடக்கின் பல பகுதிகளில் அரசியல் கைதிகளின் விடுதலையை வலியுறுத்தி தொடர்ச்சியாக போராட்டங்கள் முன்னெடுக்கப்பட்டு வருகின்றது.

இதேவேளை அனுராதபுரத்திலுள்ள தமிழ் அரசியல் கைதிகள் சிலர் தொடர்ச்சியாக உண்ணாவிரத போராட்டத்தில் ஈடுபட்டு வருகின்றமையும் குறிப்பிடத்தக்கது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.