கரீபியன் பிரீமியர் லீக் ரி-ருவென்ரி தொடரின் 27ஆவது லீக் போட்டியில், ரின்பகோ நைட்ரைடர்ஸ் அணி, 70 ஓட்டங்கள் வித்தியாசத்தில் வெற்றிபெற்றுள்ளது.

இந்த வெற்றியின் மூலம், ரின்பகோ நைட்ரைடர்ஸ் அணி, புள்ளி தரவரிசைப்பட்டியில் முதலிடத்திற்கு முன்னேறியுள்ளது.

ரினிடெட் மைதானத்தில் நடைபெற்ற இப்போட்டியில், ரின்பகோ நைட்ரைடர்ஸ் அணியும், கயானா அமெசோன் அணியும் பலப்பரீட்சை நடத்தின.

இப்போட்டியில் நாணய சுழற்சியில் வெற்றிபெற்ற கயானா அமெசோன் அணி, முதலில் களத்தடுப்பை தீர்மானித்தது.
இதன்படி களமிறங்கிய ரின்பகோ நைட்ரைடர்ஸ் அணி, நிர்ணயிக்கப்பட்ட 20 ஓவர்கள் நிறைவில் 7 விக்கெட்டுகள் இழப்புக்கு 170 ஓட்டங்களை பெற்றுக்கொண்டது.

இதன்போது அணியின் அதிகபட்ச ஓட்டமாக கொலின் முன்ரோ 90 ஓட்டங்களை பெற்றுக்கொண்டார். பந்து சொஹைல் டன்வீர் மற்றும் ரொமாரியா செப்பர்ட் ஆகியோர் 2 விக்கெட்டுகளை வீழ்த்தினர்.

இதனைதொடர்ந்து, 171 என்ற வெற்றி இலக்கை நோக்கி பதிலுக்கு களமிறங்கிய கயானா அமெசோன் அணி, 17.4 ஓவர்கள் நிறைவில் 103 ஓட்டங்களுக்கு சுருண்டது. இதனால் அந்த அணி 70 ஓட்டங்களால் தோல்வியை தழுவியது.

இதில் அணியின் அதிகபட்ச ஓட்டமாக ரொஷோன் பிரைமஸ் ஆட்டமிழக்காது, 36 ஓட்டங்களை பெற்றுக் கொண்டனர். பந்து வீச்சில் அலி கான் 3 விக்கெட்டுகளையும், கரி பியர், டுவைன் பிராவோ மற்றும் பவாட் அஹமட் ஆகியோர் தலா 2 விக்கெட்டுகளை வீழ்த்தினர்.

இப்போட்டியின் ஆட்டநாயகனாக ரின்பகோ நைட்ரைடர்ஸ் அணி சார்பில், 90 ஓட்டங்களை பெற்றுக்கொண்ட கொலின் முன்ரோ, தெரிவுசெய்யப்பட்டார்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.