முல்லைத்தீவு வித்தியானந்தாக் கல்லூரியில் இன்று (வெள்ளிக்கிழமை) குளவிக் கொட்டுக்கு இலக்காகி மாணவர்கள் படுகாயமடைந்துள்ளனர்.

இவ்வாறு 43 மாணவர்கள் குளவிக் கொட்டுக்கு இலக்காகி மருத்துவமனையில் சிகிச்சை பெற்றுள்ளதுடன், ஆசிரியர் ஒருவர் உள்ளிட்ட 10 மாணவர்கள் மருத்துவமனை விடுதியில் தங்கி சிகிச்சை பெற்று வருவதாக மருத்துவமனை பொலிஸ் தகவல்கள் தெரிவிக்கின்றன.

பாடசாலை கட்டடம் மற்றும் பாடசாலை வளாகத்தினை அண்டிய மரங்களில் பெரிய தேன்குளவிக் கூடுகள் காணப்படுவதால் மாணவர்களின் கல்விச் செயற்பாடுகள் அச்சமான சூழ்நிலையில் முன்னெடுக்கப்பட்டு வருவதாகத் தெரிவிக்கப்படுகின்றது.

தொடர்சியாக இந்த குளவிகள் பாடசாலை வளாகத்தில் காணப்படுவது தொடர்பில் சம்மந்தப்பட்ட அதிகாரிகளுக்கு எடுத்துரைத்தும் குறித்த தேன்குளவிக்கூடுகள் தொடர்பாக எதுவித நடவடிக்கைகளும் எடுக்கப்படவில்லை என மக்கள் கவலை தெரிவிக்கின்றனர்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.