இந்திய அணிக்கு எதிரான கடைசி டெஸ்ட் போட்டியில் இங்கிலாந்து அணியின் ஆரம்பத்துடுப்பாட்ட வீரரான குக் அபாரமாக விளையாடி சதமடித்தார்.

இந்திய அணி இங்கிலாந்தில் சுற்றுப்பயணம் மேற்கொண்டு விளையாடி வருகிறது. தற்போது இறுதி டெஸ்ட்போட்டி நடைபெற்று வருகிறது. நாணயச் சுழற்சியில்வென்ற இங்கிலாந்து அணி முதல் இன்னிங்ஸில் 332 ஓட்டங்கள் எடுத்தது. அதன் பின்னர் களமிறங்கிய இந்திய அணி 292 ஓட்டங்கள்எடுத்தது.

இதையடுத்து 40 ஓட்டங்கள் முன்னிலையில் தனது இரண்டாவது இன்னிங்ஸை விளையாடத்தொடங்கியது இங்கிலாந்து அணி. அந்த அணியின் தொடக்க ஆட்டக்காரர் குக், சிறப்பாக விளையாடி சதமடித்தார்.

இது டெஸ்ட் கிரிக்கெட்டில் அவர் அடிக்கும் 33வது சதமாகும். இந்தப் போட்டியுடன் ஓய்வு பெறுவதாக அறிவித்துள்ள குக், தனது கடைசி டெஸ்ட் போட்டியில் சில சாதனைகளைச் படைத்துள்ளார். டெஸ்ட் போட்டிகளில் குக் 12,401 ஓட்டங்கள் எடுத்தபோது இலங்கை வீரர் சங்ககாராவை முந்தினார்.

இதன் மூலம் டெஸ்ட் போட்டி அரங்கில் அதிக ஓட்டங்கள் எடுத்த இடதுகை துடுப்பாட்ட வீரர் என்ற சாதனையும் படைத்தார். மேலும், இந்தப்போட்டியில் சதம் அடித்ததன் மூலம், தன் அறிமுகப்போட்டி மற்றும் கடைசிப் போட்டியில் சதமடித்த 5வது வீரர் என்ற சாதனையும் படைத்தார்.

Alastair Cook joins a select club https://t.co/7K8tOAq6y8 #ENGvIND pic.twitter.com/wCoXrfUtCK

— ESPNcricinfo (@ESPNcricinfo) September 10, 2018

அவரின் முதலாவது மற்றும் கடைசி டெஸ்ட் போட்டிகள் இந்திய அணிக்கு எதிரானவை ஆகும். கடந்த 2006ம் ஆண்டு நாக்பூரில் நடைபெற்ற இந்திய அணிக்கெதிரான போட்டி மூலம் சர்வதேச டெஸ்ட் அரங்கில் குக் அறிமுகமானார். அந்தப் போட்டியில் அவர் 104  ஓட்டங்கள் எடுத்து ஆட்டமிழக்காமல் இருந்தார்.

2006: A hundred in his first Test in Nagpur

2018: A hundred in his final Test at The Oval

Congratulations, Alastair Cook! https://t.co/rYSohEGaXt #ThankYouChef pic.twitter.com/yjIwKiyIYj

— ESPNcricinfo (@ESPNcricinfo) September 10, 2018

ஐந்தாவது டெஸ்ற் போட்டியின் நான்காம் நாளான இன்று மதிய போசன இடைவேளையின் பின்னர் துடுப்பெடுத்தாடிக் கொண்டிருக்கும் இங்கிலாந்து அணி சற்று முன்னர் வரை அதன் இரண்டாம் இனிங்ஸில் 2 விக்கட்கள் இழப்பிற்கு 289 ஓட்டங்களைப் பெற்றுள்ளது. இங்கிலாந்து அணி சார்பாக குக் 128 ஓட்டங்களுடனும் அணித்தலைவர் ஜோ ரூட் 108 ஓட்டங்களுடனும் ஆட்டமிழக்காதுள்ளனர்.

The moment Alastair Cook reached his 33rd Test century in his last innings! ?

Scorecard/Videos: https://t.co/6erwzLEIKR#ThankYouChef ?‍? #EngvInd pic.twitter.com/qnobBrQdoA

— England Cricket (@englandcricket) September 10, 2018

தற்போதைய நிலையில் இங்கிலாந்து அணி 329 ஓட்டங்களால் முன்னிலையிலுள்ளது.

ஐந்து டெஸ்ற்கள் கொண்ட தொடரில் இங்கிலாந்து அணி 3ற்கு 1 என்ற கணக்கில் முன்னிலை வகிக்கின்றமை குறிப்பிடத்தக்கது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.