பேஸ்புக், வைபர், வட்ஸ்அப் போன்ற சமூக வலைத்தளங்களின் மீது விதிக்கப்பட்டுள்ள தற்காலிகத் தடை இன்று (சனிக்கிழமை) நீக்கப்படும் என, இராஜாங்க அமைச்சர் ஹர்ஷ டி சில்வா கூறியுள்ளார்.

நாடாளுமன்றத்தில் நேற்று உரையாற்றிய போதே இராஜாங்க அமைச்சர் ஹர்ஷ டி சில்வா இதனைத் தெரிவித்துள்ளார்.

தேவையற்ற குழப்பங்களை ஏற்படுத்தும் தகவல்கள் பரப்பப்பட்டமை காரணமாகவே சமூக வலைத்தளங்களுக்கு தற்காலிகமாக தடை விதிக்க வேண்டிய நிலை ஏற்பட்டதாகவும் அவர் கூறியுள்ளார்.

எனினும், தற்போது நிலைமை கட்டுப்பாட்டுக்குள் வந்துள்ள நிலையில் இன்று அந்த தடை நீக்கப்படும் என்றும் அவர் குறிப்பிட்டுள்ளார். கண்டியில் ஏற்பட்ட அசாதாரண சூழ்நிலையையை அடுத்து, சமூக வலைத்தளங்கள் முடக்கப்பட்டமை குறிப்பிடத்தக்கது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.