தேசிய டெங்கு ஒழிப்பு வாரமாக எதிர்வரும் ஏப்ரல் மாதம் 3ஆம் திகதி முதல் 9ஆம் திகதி வரையில் அமுலாக்கப்பட்டுள்ளது.

அதிக டெங்கு பாதிப்பு உள்ள 15 மாவட்டங்களின் 50 பொதுசுகாதார பிரிவுகளில் இந்த டெங்கு கட்டுப்பாட்டு வேலைத்திட்டம் முன்னெடுக்கப்படவுள்ளது.

குறித்த பிரதேசங்களில் உள்ள வீடுகள் மற்றும் தனியார், அரச நிறுவனங்களுக்கும், பாடசாலைகளுக்கும், சுகாதார குழுக்கள் நேரடியாக விஜயம் செய்து கண்காணிப்புகளை நடத்தவுள்ளன.

இந்தத் திட்டத்தில் கல்வி, சுகாதார அமைச்சுகளும், டெங்கு ஒழிப்புக்கான ஜனாதிபதி செயலணியும் இணைந்துள்ளன.

பருவ மழை ஆரம்பித்துள்ள நிலையில் நாடெங்கிலும் டெங்கு நுளம்புகள் வேகமாக பரவக் கூடிய வாய்ப்பு உள்ளதனால், இதனை கருத்திற் கொண்டு நுளம்பு ஒழிப்பு திட்ட வாரம் அமுலாக்கப்பட்டுள்ளது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.