பயங்கரவாதத்திற்கு எதிராக ஒத்துழைப்புடன் செயற்பட வேண்டியது அவசியமாகும் என, ஆசியான் தலைவர்களிடம் ரஷ்ய ஜனாதிபதி விளாடிமிர் புட்டின் வலியுறுத்தியுள்ளார்.

ஆசியான் தலைவர்களுக்கும், ரஷ்ய ஜனாதிபதி விளாடிமிர் புட்டினுக்கும் இடையிலான முதலாவது உத்தியோகப்பூர்வ சந்திப்பு இன்று (புதன்கிழமை) சிங்கப்பூரில் நடைபெற்றது.

இதன்போது அங்கு தொடர்ந்து கருத்து தெரிவித்த ஜனாதிபதி புட்டின், கடந்த இரண்டு ஆண்டுகளில் ஒன்றாக இணைந்து பல்வேறு பணிகளை நிறைவேற்றக் கூடியதாக அமைந்தது. நாம் எமது அரசியல் உரையாடலை மேம்படுத்திக் கொண்டோம். இந்நிலையில், பயங்கரவாதம், போதைப்பொருள் கடத்தல் மற்றும் திட்டமிட்ட குற்றச்செயல்களுக்கு எதிராக நாம் எமது ஒத்துழைப்பை செயற்படுத்த வேண்டிய அவசியம் ஏற்பட்டுள்ளது” எனத் தெரிவித்தார்.

ரஷ்ய முன்னாள் ஜனாதிபதி திமித்ரி மெட்வெடெவ் கடந்த 2009ஆம் ஆண்டு சிங்கப்பூருக்கு விஜயம் செய்த பின்னர், ரஷ்ய ஜனாதிபதியொருவர் சிங்கப்பூருக்கு விஜயம் செய்யும் முதல் சந்தர்ப்பமாகவும் இது விளங்குகிறது.

சிங்கப்பூருக்கும், ரஷ்யாவிற்கும் இடையிலான இராஜதந்திர உறவு ஏற்படுத்தப்பட்டு ஐம்பது ஆண்டுகள் பூர்த்தியாகியுள்ள நிலையிலேயே இந்த விஜயம் மேற்கொள்ளப்பட்டுள்ளது என்பது குறிப்பிடத்தக்கது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.