மிஸ்டர் லோக்கல் திரைப்படம் குறித்து மனம் திறந்தார் சிவகார்த்திகேயன்!
In சினிமா April 29, 2019 6:23 am GMT 0 Comments 2421 by : Krushnamoorthy Dushanthini

மிஸ்டர் லோக்கல் திரைப்படம் குறித்து நடிகர் சிவகார்த்திகேயன் மனம் திறந்துள்ளார்.
ஸ்டூயோ கிரீன் நிறுவனம் சார்பில் ஞானவேல் தயாரித்துள்ள இந்த திரைப்படம், முழுவதும் நகைச்சுவையை மையமாக கொண்டு உருவாகியுள்ளதாகவும், சந்தானம் இல்லாத குறை தெரியக்கூடாது என்பதற்காக கடினமாக உழைத்துள்ளதாகவும் சிவகார்த்திகேயன் தெரிவித்துள்ளார்.
இது குறித்து மேலும் தெரிவித்துள்ள அவர், சந்தானம் அண்ணா இல்லாத குறை தெரியக்கூடாது என்பதற்காக அதிகமாக கஷ்டப்பட்டுள்ளோம். யோகிபாபு, ரோபோ சங்கர், சதீஸ் ஆகிய மூவரும் இயல்பிலேயே திறமைசாலிகள். மக்களின் அபிமானத்தை பெற கடுமையாக உழைத்தவர்கள்.
அத்துடன் படத்தில் டாஸ்மாக் குறித்த காட்சிகளோ, பாடல்களோ இல்லை. ஆகவே சிறுவர்கள் முதல் அனைவரும் குடுபத்தினருடன் இணைந்து திரைப்படத்தை பார்வையிட முடியும் எனவும் அவர் மேலும் தெரிவித்துள்ளார்.
அனிருத் இசையமைப்பில் நயன்தாரா, ராதிகா சரத்குமார், யோகிபாபு, சதீஸ், ரோபோ சங்கர் உள்ளிட்ட பலரின் நடிப்பில் உருவாகியுள்ள இந்த திரைப்படம் எதிர்வரும் மே மாதம் 17ஆம் திகதி வெளியாகவுள்ளமை குறிப்பிடத்தக்கது.
மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.