முள்ளிவாய்க்கால் நினைவேந்தல், தெற்கின் கடும்போக்கு அரசியலுக்கும், ஐ.நா.சபை, இந்தியா உள்ளிட்ட சர்வதேச நாடுகளுக்கும் ஒரு காத்திரமான செய்தியை வழங்கும்விதமாக அமைய வேண்டும் என்று ஒடுக்கப்படும் மக்களுக்கான தளம் கேட்டுக்கொண்டுள்ளது.

கிளிநொச்சியில்வைத்து இன்று (வியாழக்கிழமை) இடம்பெற்ற ஊகவியலாளர்கள் சந்திப்பின்போது அந்த அமைப்பின் செயற்பாட்டாளரான யோகேஸ்வரன் இதனைக் கூறினார்.

மேலும், முள்ளிவாய்க்கால் நினைவேந்தல் நிகழ்வை எவரும் அரசியல் நோக்கத்துடன் அணுகவேண்டாம் என்றும் அவ்வமைப்பு கேட்டுக்கொண்டது.

அங்கு தொடர்ந்து கருத்து தெரிவித்த யோகேஸ்வரன், ”நமது இன விடுதலைக்கான செய்தியினை உலகறிய செய்ய வேண்டும் என்ற நோக்கத்தில் செயற்பட்டு வருகின்ற தருணத்தில் ஒடுக்கப்படும் மக்களுக்கான தளம் உந்துருளி பேரணியொன்றை ஏற்பாடு செய்துள்ளது.

இது எமது விடுதலைக்கான புதிய பாதையை தீர்மானிக்கும், புதிய பாதையை அமைத்து தரும் என்ற நோக்கில் இது முன்னெடுக்கப்பட உள்ளது” எனவும் குறிப்பிட்டார்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.