இயக்குனர் சேரன் ‘பாரதி கண்ணம்மா’வில் தொடங்கி பல வெற்றிப்படங்களை இயக்கிய நிலையில், கடந்த 2015ஆம் ஆண்டுக்கு பின் அவர் இயக்கியுள்ள திரைப்படம் ‘திருமணம்’.

இத்திரைப்படத்தின் டிரைலர் கடந்த மாதம் வெளியாகி நல்ல வரவேற்பை பெற்றது. ஒரு திருமணத்தில் மணமகன்-மணமகள் வீட்டார்களுக்கு இடையே ஏற்படும் பிரச்சினைகள் மிக இயல்பாக இத்திரைப்படத்தில் குறிப்பிடப்பட்டுள்ளதை 4 நிமிடம் டிரைலர் வெளிப்படுத்தியிருந்தது.

இத்திரைப்படத்தை பார்த்த தணிக்கை அதிகாரிகள் ‘யூ’ சான்றிதழ் அளித்துள்ளனர்.

இத்திரைப்படத்தின் தணிக்கைபணிகள் முடிவடைந்து விட்டதை அடுத்து மிகவிரைவில் அதிகாரப்பூர்வமான வெளியீட்டுத்திகதி அறிவிக்கப்படவுள்ளது.

சேரன், சுகன்யா, உமாபதி ராமையா, காவ்யா சுரேஷ், எம்.எஸ்.பாஸ்கர், தம்பி ராமையா, பாலசரவணன், ஜெயப்பிரகாஷ், மனோபாலா உள்ளிட்ட பலர் இத்திரைப்படத்தில் நடித்துள்ளனர்.

சித்தார்த் விபின் இசையமைப்பில் ராஜேஷ் யாதவ் ஒளிப்பதிவும், பொன்னுவேல் தாமோதரன் படத்தொகுப்பு பணியும் செய்துள்ளனர்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.