ஐக்கிய அரபு அமீரகத்தில் நடைபெற்றுவரும், ரி-10 தொடரின் ஆறாவது லீக் போட்டியில், பாக்த்டூன்ஸ் அணி 9 விக்கெட்டுகளால் வெற்றிபெற்றுள்ளது.

சார்ஜா மைதானத்தில் நேற்று (வெள்ளிக்கிழமை) நடைபெற்ற இப்போட்டியில், பாக்த்டூன்ஸ் அணியும், ராஜ்புட்ஸ் அணியும் பலப்பரீட்சை நடத்தின.

இப்போட்டியில் நாணய சுழற்சியில் வெற்றிபெற்ற பாக்த்டூன்ஸ் அணி முதலில் களத்தடுப்பை தீர்மானித்தது.

இதன்படி களமிறங்கிய ராஜ்புட்ஸ் அணி, நிர்ணயிக்கப்பட்ட 10 ஓவர்கள் நிறைவில் 3 விக்கெட்டுகள் இழப்புக்கு 121 ஓட்டங்களை பெற்றுக் கொண்டது. இதன்போது அணியின் அதிகபட்ச ஓட்டமாக பிரெண்டன் மெக்கலம், 58 ஓட்டங்களை பெற்றுக் கொண்டார்.

இதனைதொடர்ந்து, 122 என்ற வெற்றி இலக்கை நோக்கி பதிலுக்கு களமிறங்கிய பாக்த்டூன்ஸ் அணி, பிளெட்சரின் அதிரடியின் துணையுடன், 1 விக்கெட்டினை மட்டும் இழந்து, 9.4 ஓவர்கள் நிறைவில் வெற்றி இலக்கை கடந்தது.

இதில் அணியின் அதிகபட்ச ஓட்டமாக பிளெட்சர், 68 ஓட்டங்களை பெற்றுக்கொண்டார். அத்தோடு போட்டியின் ஆட்டநாயகனாகவும் தெரிவுசெய்யப்பட்டார்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.