வாக்காளர் பட்டியலில் பெயர் சேர்ப்பு மற்றும் திருத்தப்பணிகளை மேற்கொள்ள தமிழகம் முழுவதும் சிறப்பு முகாம்  இன்று (ஞாயிற்றுக்கிழமை) நடத்தப்பட்டுள்ளது.

குறித்த சிறப்பு முகாம் எதிர்வரும் 23ஆம் திகதி வரை நடத்தப்படவுள்ளதாக தேர்தல் ஆணையகம் தெரிவித்துள்ளது.

இதன்போது வாக்காளர் பட்டியலில் தங்களின் பெயர் உள்ளதா? சரியான விபரங்கள் உள்ளடக்கப்பட்டுள்ளதா போன்ற விபரங்களை வாக்காளர் சென்று உறுதி செய்துகொள்ள முடியும். மேலும் எதிர்வரும் ஜனவரி மாதம் 1ஆம் திகதியன்று 18 வயதை பூர்த்தியடைய கூடியவர்களும் வாக்காளர் பட்டியலில் பெயரை பதிவு செய்துகொள்ள முடியுமெனவும் ஆணையகம் குறிப்பிட்டுள்ளது.

இந்தவகையில் 67 ஆயிரத்து 644 வாக்குச்சாவடிகளில் இந்த முகாம் தற்போது நடைபெறுகிறது.

இதேபோன்று சென்னையிலுள்ள 16 சட்டமன்ற தொகுதிகளில், வாக்காளர் பட்டியல்களில் பெயர் சேர்க்கும் முகாம் இன்று (ஞாயிற்றுக்கிழமை) நடைபெறவுள்ளது. இதன்போது பொதுமக்கள் பெயர் சேர்க்க மற்றும் பெயர் நீக்கும் படிவங்கள் பெற்றுக்கொண்டு, உடனே பூர்த்தி செய்து விண்ணப்பிக்கலாம்.

அத்துடன் வாக்காளர்கள், அனைத்து மாநகராட்சி மண்டல அலுவலகங்கள் அல்லது www.elections.tn.gov.in மற்றும் nvsp.in  என்ற இணையதளம் ஊடாக எதிர்வரும் 31ஆம் திகதி வரை விண்ணப்பிக்கலாமெனவும் தெரிவிக்கப்படுகின்றது.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.