வில்லியம்சன் நிதான துடுப்பாட்டம்: முதல்நாள் ஆட்டநேர முடிவில் நியூஸி. 243 ஓட்டங்கள் சேர்ப்பு!

In கிாிக்கட் December 3, 2020 6:42 am GMT 0 Comments 1596 by : Anojkiyan

நியூஸிலாந்து மற்றும் மேற்கிந்திய தீவுகள் அணிகளுக்கிடையிலான முதலாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.

இதன்படி இன்றைய ஆட்டநேர முடிவில், முதல் இன்னிங்ஸிற்காக துடுப்பெடுத்தாடிவரும் நியூஸிலாந்து அணி, 2 விக்கெட்டுகள் இழப்புக்கு 243 ஓட்டங்களை குவித்துள்ளது.

ஆட்டநேர முடிவில் கேன் வில்லியம்சன் 97 ஓட்டங்களுடனும் ரோஸ் டெய்லர் 31 ஒட்டங்களுடனும் ஆட்டமிழக்காது இறுதிவரை களத்தில் இருந்தனர்.

மேற்கிந்திய தீவுகள் அணியின் பந்துவீச்சில், கெமார் ரோச் மற்றும் செனோன் கெப்ரியல் ஆகியோர் தலா 1 விக்கெட்டினையும் வீழ்த்தினர்.

ஹெமில்டன்- சீடன் கார்டன் மைதானத்தில் இன்று (வியாழக்கிழமை) ஆரம்பமான இப்போட்டியில், நாணய சுழற்சியில் வெற்றிபெற்ற மேற்கிந்திய தீவுகள் அணி, முதலில் களத்தடுப்பை தீர்மானித்தது.

இதன்படி களமிறங்கிய நியூஸிலாந்து அணி, முதல்நாள் ஆட்டநேர முடிவில் 2 விக்கெட்டுகள் இழப்புக்கு 243 ஓட்டங்களை பெற்றது. டொம் லதம் 86 ஓட்டங்களுடனும் வில்யங் 5 ஓட்டங்களுடனும் ஆட்டமிழந்தனர்.

இன்னமும் எட்டு விக்கெட்டுகள் வசமுள்ள நிலையில், போட்;டியின் இரண்டாவது நாளை நியூஸிலாந்து அணி நாளை தொடரவுள்ளது.