சாஸ்கட்சுவான் பகுதியில் 6 வயது சிறுமி ஒருவர் கடத்தப்பட்ட சம்பவம் தொடர்பில் 19 வயது இளைஞன் கைது செய்யப்பட்டுள்ளார்.

வட Battleford பகுதியில்  கார் ஒன்று கடந்த ஞாயிறுக்கிழமை மாலை 5 மணியளவில் கடத்திச் செல்லப்பட்ட நிலையில், அந்தக் காரின் பின் இருக்கையில் இருந்த குறித்த சிறுமியும் கடத்தப்பட்டார்.

சிறுமியுடன் கார் கடத்திச் செல்லப்பட்டு சுமார் 14 மணி நேரங்களின் பின்னர் அங்குள்ள வர்த்தக வளாகம் ஒன்றிலிருந்து குறித்த சிறுமி பாதுகாப்பாக மீட்கப்பட்டுள்ளதாக பொலிஸார் அறிவித்துள்ளனர்.

இந்நிலையில் விசாரணைகளை மேற்கொண்டுவந்த பொலிஸார் 19 வயதுடைய இளைஞனை கைது செய்துள்ளனர்.

மேலும் கைது செய்யப்பட்ட இளைஞன் மீது கடத்தல், மோட்டார் வாகனத்தின் மூலம் ஆபத்தை ஏற்படுத்தியமை, வாகன திருட்டு மற்றும் வெறி சில குற்றச்சாட்டுக்களும் முன்வைக்கப்பட்டது.

அத்துடன் குறித்த நபரை நாளை (திங்கட்கிழமை) நீதிமன்றில் முன்னிலை படுத்தவும் நடவடிக்கை எடுத்துள்ளதாக றோயல் கனேடியன் மவுண்டட் பொலிஸார் தெரிவித்துள்ளனர்.

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.