Chrome Badge
athavannews.png
Athavan News switch to mobile site switch to desktop site

கல்சோனா (Calzone)

In
Updated: 08:07 GMT, Nov 14, 2015 | Published: 07:46 GMT, Nov 14, 2015 |
0 Comments
1318
This post was written by :

தேவையான பொருட்கள்:  (3 செய்வதற்கு)

கோதுமை மா – 1 1/2 கப்
இன்ஸ்டன்ட் ஈஸ்ட் – 1 டீஸ்பூன்
பால் – 1/4 கப்
தண்ணீர் – 1/4 கப்
சர்க்கரை – 1 1/2 டீஸ்பூன்
உப்பு  3/ 4 டீஸ்பூன்
எண்ணெய்    1/4 கப்
பீட்சா சாஸ்    1/4 கப்
வெங்காயம்    1/2
தக்காளி    1/2
குடை மிளகாய்    1/2
சீஸ்    1/2 கப்
இத்தாலியன் ஹெர்ப்ஸ் –   மேலே தூவ
சில்லி ஃப்ளேக்ஸ்   – மேலே தூவ

செய்முறை:

ஒரு வாயகன்ற பாத்திரத்தில், கோதுமை மா, இன்ஸ்டன்ட் ஈஸ்ட், சர்க்கரை,  உப்பு சேர்த்துக்  கலக்கவும். பின்னர் வெதுவெதுப்பான பால், தண்ணீர் சேர்த்து, எண்ணெய் சேர்த்து மாவாகப் பிசைந்து வைத்து அதன் மேலே எண்ணெய் தடவி, பொலிதீன் அல்லது ஒரு மூடி இட்டு ஒரு மணி நேரம் அளவில் மூடி வைக்கவும்.

இதற்கிடையே வெங்காயம், தக்காளி, குடை மிளகாயை சிறு துண்டுகளாக அரியவும். வாணலியில் சிறிது எண்ணெய் சேர்த்து வெங்காயம் மற்றும் குடைமிளகாயை லேசாக கடாயில் வதக்கி வைத்துக்கொள்ளவும்.

ஒரு மணி நேரம் கழித்து மா கலவை இருமடங்காக பொங்கி இருக்கும். அதை, மீண்டும் 5 நிமிடங்கள் மிருதுவாகும் வரையும் பிசைந்து கொள்ளவும். நன்றாக பிசைந்த மாவினை உங்கள் விருப்பத்துக்கேற்ப, 2 அல்லது 3 உருண்டைகளாக பிரித்து உருட்டவும்.

சப்பாத்தியை விட மொத்தமாக திரட்டவும். இதில் ஒரு பாதியில் பீட்சா சாஸ் ஒரு டேபிள்ஸ்பூன் அளவுக்குப் பரப்பவும். அதன் மேல் வதக்கிய வெங்காயம், குடை மிளகாய் மற்றும் தக்காளித் துண்டுகளை வைக்கவும்.

இதன் மேல், துருவிய சீஸ், இத்தாலியன் ஹெர்ப்ஸ், சில்லி ப்ளேக்ஸ் தூவவும். பின்னர் மீதி பாதியைக் கொண்டு மூடவும். ஒரு முள்ளுக்கரண்டியின் உதவியுடன், ஓரங்களை அழுத்தி மூடவும். அதன் மேல்புறம் கத்தியைக் கொண்டு 3 இடங்களில் கிழித்து விடவும் (மைக்ரோவேவ் அவனில் பேக் செய்யும்போது, ஆவிவெளியேற இது உதவும்).

மைக்ரோவேவ் அவனை 190 டிகிரி ஊ அளவுக்கு வைத்து, அதில் இந்த மடித்த  கல்சோனேயை, ஒரு பேக்கிங் ட்ரேயில் எண்ணெய் தடவி அதன் மேலே வைத்து 15 நிமிடங்கள் பேக் செய்யவும் (அல்லது பொன்னிறம் ஆகும் வரை). தேவைப்பட்டால் மேலே வெண்ணெய் அல்லது நெய் தடவி சூடாகப் பரிமாறவும்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg