Chrome Badge
athavannews.png
Athavan News switch to mobile site switch to desktop site

சில்லி சிக்கன் கிரேவி

In
Updated: 13:59 GMT, Mar 2, 2016 | Published: 13:59 GMT, Mar 2, 2016 |
0 Comments
1373
This post was written by : Anojkiyan

உங்கள் வீட்டில் நீங்கள் சப்பாத்தி, நாண் போன்றவற்றை விதவிதமான கிரேவியுடன் சுவைத்திருப்பீர்கள். ஆனால் சில்லி சிக்கன் கிரேவியுடன் சுவைத்ததுண்டா?

இது வித்தியாசமாக இருந்தாலும், அற்புதமான ருசியில் இருக்கும். மேலும் இதை செய்வது மிகவும் ஈஸி. இங்கு சில்லி சிக்கன் கிரேவியை எப்படி எளிமையாக செய்வதென்று கொடுக்கப்பட்டுள்ளது. அதைப் படித்து செய்து சுவைத்து எங்களுடன் பகிர்ந்துக்கொள்ளுங்கள்.

தேவையான பொருட்கள்

எலும்பில்லாத சிக்கன் – 1/2 கிலோ
வெங்காயம் – 1 (நறுக்கியது)
தக்காளி – 1 (நறுக்கியது)
குடைமிளகாய் – 1/2 (நறுக்கியது)
இஞ்சி பூண்டு பேஸ்ட் – 1 டேபிள் ஸ்பூன்
சோயா சாஸ் – 2 டீஸ்பூன்
தக்காளி சாஸ் – 1 டேபிள் ஸ்பூன்
சோள மாவு – 2 டேபிள் ஸ்பூன் 10 1 டீஸ்பூன்
பச்சை மிளகாய் – 3 (நறுக்கியது)
வினிகர் – 1 டேபிள் ஸ்பூன்
மிளகாய் தூள் – 2 டீஸ்பூன்
கரம் மசாலா – 1 டீஸ்பூன்
எண்ணெய் – 2 டேபிள் ஸ்பூன்
உப்பு – தேவையான அளவு

செய்முறை

முதலில் சிக்கனை நன்கு சுத்தமாக கழுவிக் கொள்ள வேண்டும். பின் அந்த சிக்கனுடன் 1/2 டீஸ்பூன் சோயா சாஸ், வினிகர், உப்பு, இஞ்சி பூண்டு பேஸ்ட் சேர்த்து பிரட்டி 15 நிமிடம் ஊற வைத்துக் கொள்ளவும். பின்னர் அத்துடன் 2 டேபிள் ஸ்பூன் சோள மாவை சேர்த்து பிரட்டிக் கொள்ளவும். பின்பு ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி காய்ந்ததும், இந்த சிக்கன் துண்டுகளை சேர்த்து பொன்னிறமாக பொரித்து தனியாக வைத்துக் கொள்ளவும். எஞ்சிய எண்ணெயில் இஞ்சி பூண்டு பேஸ்ட், வெங்காயம் சேர்த்து நன்கு வதக்கி, பச்சை மிளகாய், குடைமிளகாய் சேர்த்து வதக்க வேண்டும்.

பிறகு அத்துடன் தக்காளி, உப்பு சேர்த்து நன்கு மென்மையாகும் வரை வதக்கவும். அடுத்து அதில் மிளகாய் தூள், கரம் மசாலா சேர்த்து கிளறி, தக்காளி சாஸ், சோயா சாஸ், வினிகர் சேர்த்து கிளறி, பொரித்து வைத்துள்ள சிக்கனையும் சேர்த்து, எவ்வளவு கிரேவி வேண்டுமோ, அவ்வளவு தண்ணீர் ஊற்றி 5 நிமிடம் கொதிக்க விட வேண்டும். இறுதியில் சிறிது நீரில் சோள மாவை சேர்த்து கலந்து, கிரேவியுடன் ஊற்றி 2 நிமிடம் கொதிக்க விட்டு இறக்கினால் சில்லி சிக்கன் கிரேவி ரெடி!

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg