Chrome Badge
athavannews.png
Athavan News switch to mobile site switch to desktop site

மட்டக்களப்பு மாவட்ட கீதம் ‘உயிரின் வாசம்’ வெளியீடு

In
Updated: 10:53 GMT, Mar 14, 2016 | Published: 10:53 GMT, Mar 14, 2016 |
0 Comments
1455
This post was written by : Varothayan

மட்டக்களப்பு மாவட்டத்திற்கென ‘உயிரின் வாசம்’ என்ற தலைப்பில் உருவாக்கப்பட்ட மாவட்ட கீதம் கடந்த சனிக்கிழமை (12) இரவு வெளியிடப்பட்டுள்ளது.

மட்டக்களப்பு கல்லடியிலுள்ள கிழக்குப் பல்கலைக்கழக சுவாமி விபுலானந்தா அழகியல் கற்கைகள் நிறுவகத்தில் இடம்பெற்ற இந்நிகழ்வில் மாவட்ட அரசாங்க அதிபர் சறோஜினிதேவி சார்ள்ஸ், மாவட்ட கீதம் அடங்கிய இறுவட்டினை வெளியிட்டு வைத்தார்.

மட்டக்களப்பின் இயற்கை வளங்கள், கலைகள், தொழில், பண்பாட்டு விடயங்கள் பலவற்றின் காட்சிகளுடன் இது வெளியிடப்பட்டுள்ளது.

ஒலி, ஒளி வடிவமாக வெளியிடப்பட்டுள்ள இந்த மாவட்ட கீதத்திற்கு சதீஸ்குமார் என்ற கவிஞர் வரிகளை எழுதியுள்ளார். சஞ்சித் லக்ஸ்மன் இசையமைப்பில் பிரதீப் என்ற பாடகர் பாடல்களைப்; பாடியுள்ளார்.

நிகழ்வில், மட்டக்களப்பு மாவட்ட மேலதிக அரசாங்க அதிபர் எஸ்.கிரிதரன், காணிப் பிரிவுக்கான மாவட்ட மேலதிக அரசாங்க அதிபர் ஜெயானந்தி திருச்செல்வம், கிழக்குப் பல்கலைக்கழக உபவேந்தர் கலாநிதி ரி.ஜயசிங்கம், சுவாமி விபுலானந்தா அழகியல் கற்றைகள் நிறுவக பணிப்பாளர் கலாநிதி சி.ஜெய்சங்கர், மாவட்டச் செயலாளர் எஸ்.ரங்கநாதன், மாவட்ட பிரதம கணக்காளர் எஸ்.நேசராஜா, மாவட்ட திட்டமிடல் பணிப்பாளர் ஆர்.நெடுஞ்செழியன் அரச உத்தியோகத்தர்கள், கலைத்துறை சார்ந்தோர், தொழில்நுட்ப, ஊடகத்துறையினர் எனப் பலரும் கலந்து கொண்டிருந்தனர்.

DSC_0548 DSC_0568 DSC_0593 DSC_0598 DSC_0640

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg