Chrome Badge
athavannews.png
Athavan News switch to mobile site switch to desktop site

கீரை கட்லெட்

In
Updated: 07:30 GMT, Jun 11, 2016 | Published: 07:28 GMT, Jun 11, 2016 |
0 Comments
1145
icon_com
This post was written by : Anojkiyan
spin

தேவையான பொருட்கள்

உருளைக் கிழங்கு – 4
பசலைக் கீரை – 1 கட்டு
பச்சை மிளகாய் – 2
இஞ்சி – 1 துண்டு
பூண்டு – 2 பல்
சீஸ் (துருவியது) – அரை கப்
பிரெட் ஸ்லைஸ் – கால் கப்
பிரெட் தூள் – தேவையான அளவு
எலுமிச்சம்பழச்சாறு – 1 டேபிள்ஸ்பூன்
கார்ன்ஃப்ளார் – கால் கப்
உப்பு, எண்ணெய் – தேவையான அளவு

செய்முறை

உருளைக் கிழங்கை வேகவைத்து, தோலுரித்து, கட்டிகள் இல்லாமல் மசித்துக் கொள்ளுங்கள். இஞ்சி, பூண்டு, பச்சை மிளகாயை பொடியாக நறுக்கி கொள்ளவும். கீரையை சுத்தம் செய்து பொடியாக நறுக்கிகொள்ளவும். கடாயை அடுப்பில் வைத்து எண்ணெய் ஊற்றி சூடானதும் இஞ்சி, பூண்டு, பச்சை மிளகாய் போட்டு வதக்கிய பின் அதில் கீரையை போட்டு தண்ணீர் வற்றும் வரை பாதியளவு வேகவைத்து கொள்ளவும். வதக்கிய கீரை ஆறியவுடன் அதை மிக்சியில் போட்டு அரைத்து கொள்ளவும்.

இந்த விழுதை, மசித்த கிழங்குடன் சேர்த்து அத்துடன் உதிர்த்த பிரெட் ஸ்லைஸ், எலுமிச்சம்பழச் சாறு, உப்பு, துருவிய சீஸ் சேர்த்து, நன்கு பிசைந்துகொள்ளுங்கள். ஒரு கிண்ணத்தில் கார்ன்ஃப்ளார் மாவை நீர்க்கக் கரைத்து கொள்ளுங்கள். உருளைக்கிழங்கு கலவையிலிருந்து சிறிதளவு எடுத்து, வேண்டிய வடிவத்தில் கட்லெட் செய்து, கார்ன்ஃபிளார் மாவில் நனைத்து எடுத்து, பிரெட் தூளில் புரட்டி எடுத்து வைக்கவும்.

தோசை தவாவை அடுப்பில் வைத்து சூடானதும் செய்து வைத்துள்ள கீரை கட்லெட்டுகளை போட்டு சுற்றி சிறிது எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும். சுவையான சத்தான கீரை கட்லெட் ரெடி. பசலைக் கீரைக்கு பதிலாக, புதினா, கொத்தமல்லித்தழை ஆகியவற்றையும் பாதி, பாதி எடுத்து, அரைத்தும் இந்த கட்லெட்டை செய்யலாம்.

குறிப்பு :

கீரையில் இருக்கும் பீட்டா கரோடின், நார்ச்சத்து, பாஸ்பரஸ், கால்சியம் போன்றவை வயிற்றுக்கு ஆரோக்கியமானது. நோய் எதிர்ப்பு சக்தியையும் வளர்க்கும். தெளிவான கண்பார்வைக்கும் உதவும்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg