Chrome Badge
Athavan Newsswitch to mobile site switch to desktop site

புகைத்தல் தொடர்பான ‘அலேர்ட்!': ‘வெட்டு கொத்து’ நகைச்சுவைக் குறும்படம்

In கலைஞர்கள்
Published: 12:51 GMT, Sep 3, 2016 |
0 Comments
2161

‘புகைத்தல் புற்றுநோயை மட்டுமல்ல, கடன் பிரச்சனையையும் ஏற்படுத்தும்’ என்ற தகவலுடன் யாழ்ப்பாணத்தில் இருந்து ‘வெட்டு கொத்து’ என்ற 3 நிமிட குறும்படம் வெளிவந்துள்ளது.

எம்மவர்கள் மத்தியில் நகைச்சுவைக் குறும்படங்களின் வரவு மிகக்குறைவாக இருக்கும் தருணத்தில், வித்தியாசமான கதைக்களத்துடன் நகைச்சுவையாக அதேநேரம் சமூகத்திற்கு ஒரு சின்ன செய்தியையும் சொல்லிப் போகிறது இப்படம். மொத்தமே 4 நடிகர்களுடன், ஒரே ஒரு படப்பிடிப்பு தளத்தில் இக்குறும்படம் படமாக்கப்பட்டுள்ளது.

கிருத்திகனின் கதை மற்றும் திரைக்கதையில் உருவாகியிருக்கும் இக்குறும்படத்தை கானா வரோ இயக்கியுள்ளார். ஒளிப்பதிவு நிஷாந்தன், படத்தொகுப்பு நிரோஷ், இசையமைப்பு தர்சனன். கிருத்திகன், வரோதயன், மயூரப்பிரியன் மற்றும் கோபிரஞ்சன் ஆகியோர் இதில் நடித்திருக்கின்றார்கள்.