Chrome Badge
Athavan News

அவுஸ்திரேலியாவில் வரலாறு காணாத கனமழை: ஆறு பேரை காணவில்லை

In
Published: 11:54 GMT, Dec 27, 2016 |
0 Comments
1150
19

அவுஸ்திரேலியாவின் உலுரு (Uluru) பிராந்தியத்தில் அமைந்துள்ள தேசிய பூங்கா பகுதியில் கிடைக்கப்பெற்ற வரலாறு காணாத கனமழையினால், வெள்ளப்பெருக்கு ஏற்பட்டுள்ளது.

இதனால் குறித்த தேசிய பூங்கா தற்காலிகமாக மூடப்பட்டுள்ளதுடன், இப்பகுதியில் ஆறு பேர் காணாமல் போயுள்ளதாகவும் தெரிவிக்கப்படுகின்றது.

காணாமல் போனவர்களைத் தேடும் பணிகள் ஹெலிக்கொப்டர்களின் உதவியுடன் முழு வீச்சில் இடம்பெற்று வருவதுடன், தேசிய பூங்காவை அண்டி வசிக்கும் மக்கள் முன்னெச்சரிக்கை நடவடிக்கையாக பாதுகாப்பான இடங்களுக்கு அனுப்பி வைக்கப்பட்டுள்ளதாக உள்ளூர் அதிகாரிகள் தெரிவித்துள்ளனர்.

நேற்று முன்தினமான கிறிஸ்மஸ் தினத்தன்று குறித்த ஆறு பேரும் காணாமல் போயுள்ளதுடன், இவர்களில கைக்குழந்தையும் உள்ளடங்குவதாக பிராந்திய பொலிஸார் தெரிவித்துள்ளனர்.

இதேவேளை அவுஸ்திரேலியாவின் குறித்த பகுதியில் இந்த பருவத்தில் கனமழை கிடைக்கப் பெறுவதுடன், அதனால் வெள்ளப்பெருக்கு ஏற்படுகின்றமையும் வழமையாகும். ஆயினும் இவ்வருடத்தில் வழமையை விட அதிகளவான மழைவீழ்ச்சி பதிவாகியுள்ளதாகத் தெரிவிக்கப்படுகின்றது.

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

*

  

  

  Type Comments in Tamil language (Press Ctrl+g to toggle between English and Tamil)