Chrome Badge

குயின்ஸ்லாந்தில் சுற்றுலா விமானம் விபத்து: யுவதி உயிரிழப்பு

In
Published: 06:04 GMT, Jan 11, 2017 |
0 Comments
1086

அவுஸ்திரேலியாவின் குயின்ஸ்லாந்து பகுதியில் நேற்று (செவ்வாய்க்கிழமை) இடம்பெற்ற விமான விபத்தில் 29 வயதான யுவதி ஒருவர் உயிரிழந்துள்ளதுடன், இருவர் காயமடைந்துள்ளனர். விபத்திற்குள்ளான குறித்த விமானம் குயின்ஸ்லாந்து கடற்பரப்பில் முறிந்து விழுந்துள்ளது.

அவசர சேவைகள் பணிமனை தெரிவித்துள்ள தகவல்களின் பிரகாரம், இரண்டு சுற்றுலா பிரயாணிகளை ஏற்றிச்செல்லும் விமானங்கள் ஒன்றாக வானில் பறந்ததாகவும் அப்போதே தீவின் மத்திய பகுதியில் இந்த விபத்து ஏற்பட்டதாகவும் தெரிவிக்கப்பட்டுள்ளது.

இதேவேளை, உயிரிழந்த யுவதி பிரித்தானிய பிரஜை எனவும், மேலும் காயமடைந்த இரண்டு பேரில் 21 வயதான அயர்லாந்தினைச் சேர்ந்த பெண் ஒருவர் மிகவும் கவலைக்கிடமான நிலையில் வைத்தியசாலையில் அனுமதிக்கப்பட்டுள்ளதாகவும் தெரிவிக்கப்பட்டுள்ளது.

அதேவேளை, விமானியும் கவலைக்கிடமான நிலையிலேயே சிகிச்சை பெற்றுவருவதாக அதிகாரிகள் சுட்டிக்காட்டியுள்ளனர்.

இந்த விலையில், விபத்திற்கான காரணம் என்ன என்பது குறித்து தெளிவான விபரங்கள் எவையும் தெரியவராத நிலையில், பொலிஸ் அதிகாரிகள் இது தொடர்பான விசாரணைகளை மேற்கொண்டு வருகின்றனர்.

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

*

  

  

  Type Comments in Tamil language (Press Ctrl+g to toggle between English and Tamil)