Chrome Badge
athavannews.png
Athavan News switch to mobile site switch to desktop site
தலைப்பு செய்திகள்

குடைமிளகாய் புலாவ்

In
Updated: 06:22 GMT, Apr 18, 2017 | Published: 05:43 GMT, Apr 18, 2017 |
0 Comments
1065
icon_com
This post was written by : Elakkiya
11-1418304078-capsicum-pulao

தேவையான பொருட்கள்:
பாஸ்மதி அரிசி – அரை கப்
வெங்காயம் – 1
குடைமிளகாய் – கால் கப்
ஏலக்காய் – 1
கராம்பு – 2
பட்டை – சிறிதளவு
கரம் மசாலா – 1ஃ4 டீஸ்பூன்
எண்ணெய் – 1 டீஸ்பூன்
நெய் – 2 டீஸ்பூன்
உப்பு – தேவையான அளவு
கொத்தமல்லி – சிறிதளவு
அரைப்பதற்கு…

பூண்டு – 3 பற்கள்
மிளகு – அரை டீஸ்பூன்
முந்திரி – 5

செய்முறை:

கொத்தமல்லி, வெங்காயம் ஆகியவற்றை சிறிதாக நறுக்கிக் கொள்ளவும். அதேபோன்று குடை மிளகாயையும் சிறிய துண்டுகளாக நறுக்கிக் கொள்ளவும். பின்னர், அரிசியை நன்றாக கழுவி நீரில் போட்டு 10 நிமிடங்கள் ஊற வைத்துக் கொள்ளவும்.

மிக்ஸியில் பூண்டு, மிளகு, முந்திரியை போட்டு சிறிது தண்ணீர் ஊற்றி பேஸ்ட் செய்து கொள்ள வேண்டும்.

ஒரு பாத்திரத்தை அடுப்பில் வைத்து, அதில் தண்ணீர் ஊற்றி கொதிக்க விட வேண்டும். நீர் கொதிக்க ஆரம்பித்ததும் அதில் அரிசியை போட்டு, உப்பு, பட்டை, ஏலக்காய், கராம்பு ஆகியவற்றை சேர்த்து வேக விடவும். சாதத்தை உதிரியாக வேக வைத்து கொள்ளவும்.

பின்னர் சிறிய பாத்திரம் ஒன்றை அடுப்பில் வைத்து, எண்ணெய் மற்றும் நெய் ஊற்றி காய்ந்ததும், சீரகத்தை போட்டு தாளித்து அதில் வெங்காயத்தை போட்டு வதக்கவும்.வெங்காயம் நன்றாக வதங்கியதும் குடைமிளகாயை போட்டு 5 நிமிடங்கள் வதக்கவும்.

அடுத்து அதில் அரைத்த முந்திரி பேஸ்ட் சேர்த்து வதக்க வேண்டும். பின்னர் கரம் மசாலா சேர்த்து 2 நிமிடங்கள் கிளறி, தேவையான அளவு உப்பு தூவி நன்கு பிரட்டவும். அடுத்து உதிரியாக வடித்த சாதத்தை சேர்த்து 5 நிமிடங்கள் நன்கு பிரட்டி கொத்தமல்லி தூவி இறக்கி பரிமாறவும்.

சூப்பரான குடைமிளகாய் புலாவ் ரெடி!!!

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg