Chrome Badge
athavannews.png
Athavan News switch to mobile site switch to desktop site
தலைப்பு செய்திகள்

புடின் பதவி விலக வேண்டும் என வலியுறுத்தி ரஷ்யாவில் ஆர்ப்பாட்டங்கள் முன்னெடுப்பு

In ஐரோப்பா
Published: 09:09 GMT, Apr 30, 2017 |
0 Comments
1403
icon_com
This post was written by : Sylviya

ரஷ்ய ஜனாதிபதி விளாடிமிர் புடின் பதவி விலக வேண்டும் என்பதை வலியறுத்தும் வகையில் மத்திய மொஸ்கோவில் ஆர்ப்பாட்டங்கள் முன்னெடுக்கப்பட்டுள்ளன.

மொஸ்கோவின் பல பாகங்களில் நேற்று (சனிக்கிழமை) முன்னெடுக்கப்பட்ட குறித்த ஆர்ப்பாட்டங்களில் பல நூற்றுக்கணக்கானோர் கலந்துகொண்டதாக தெரிவிக்கப்பட்டுள்ளது.

குறித்த ஆர்ப்பாட்டங்கள் ஓபன் ரஷ்யா (Open Russia) இயக்கத்தாலேயே முன்னெடுக்கப்பட்டதாக தகவல்கள் குறிப்பிடுகின்றன. இந்த ஆர்ப்பாட்டங்களின் போது கலவரங்கள் ஏற்படும் பட்சத்தில் அதனை கட்டுக்கு கொண்டுவரும் பொருட்டு சுமார் 30 பேரூந்துகளில் பொலிஸார் வந்திறங்கியதாக குறிப்பிடப்பட்டுள்ளது.

மொஸ்கோவில் நடத்தப்பட்டது போன்று செயின்ட் பீட்டர்ஸ்பேர்க்கில் நடத்தப்பட்ட ஆர்ப்பாட்டத்தில் மோதலில் ஈடுபட்ட குற்றச்சாட்டின் பேரில் சுமார் 100க்கும் மேற்பட்டோர் கைது செய்யப்பட்டதாக தெரிவிக்கப்படும் போதும், குறித்த தகவல் இன்னும் உறுதிப்படுத்தப்படவில்லை என தெரிவிக்கப்பட்டுள்ளது.

ரஷ்ய அரசியல் வரலாற்றில் சுமார் 17 வருடங்களாக நிலைத்து நிற்கும் புடின், எதிர்வரும் 2018 ஆம் ஆண்டு மார்ச் மாதம் நடத்தப்படவுள்ள தேர்தலில் போட்டியிடுவாரா என்பது தொடர்பில் எவ்வித கருத்துக்களும் இதுவரை தெரிவிக்கப்படவில்லை.

எனினும், 17 வருடகால அரசியல் வாழ்க்கையில் மிகப் பிரபல்யம் அடைந்துள்ள 64 வயது நிரம்பிய ரஷ்ய ஜனாதிபதி, 2018ஆம் ஆண்டு ஜனாதிபதித் தேர்தலில் போட்டியிடுவார் என நம்பிக்கை வெளியிடப்பட்டுள்ளது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg