Chrome Badge
athavannews.png
Athavan News switch to mobile site switch to desktop site

பொன்விழா கொண்டாடும் தென்னிந்திய சினிமா சண்டை கலைஞர்கள் சங்கம்

In சினிமா
Updated: 13:01 GMT, May 16, 2017 | Published: 13:01 GMT, May 16, 2017 |
0 Comments
1129
This post was written by : Vithushagan

தென்னிந்திய சினிமா சண்டை இயக்குனர்கள் மற்றும் சண்டை கலைஞர்கள் சங்கம் 1966ம் ஆண்டு ஆரம்பிக்கப்பட்டது. தற்போது அதன் பொன்விழா ஆண்டு நடந்து வருகிறது. இதனை பிரமாண்டமான விழா நடத்தி கொண்டாட இருக்கிறார்கள்.

எதிர்வரும் ஒகஸ்ட் 26ஆம் திகதி  நேரு உள்விளையாட்டு அரங்கில் நடக்கும் பிரமாண்ட பொன்விழாவில் இந்தியாவின் முன்னணி நடிகர், நடிகைகள் கலந்து கொள்கிறார்கள்.

இதுகுறித்து சங்கத்தின் தலைவர் அனல் அரசு வெளியிட்டுள்ள அறிக்கையிகூறியதாவது, `சினிமாத்துறையின் வெற்றிக்கும் உருவாக்கத்திற்கும் ஒவ்வொரு கலைஞனும் போராடி உழைத்துத் தான் வெள்ளித்திரை பிரகாசிக்கிறது.

கூட்டுக் குடும்பமாக உழைத்துத் தான் ஒரு படம் திரைக்கு வருகிறது அப்படி உயிரைக் கொடுத்து உழைக்கும் துறை எங்கள் ஸ்டண்ட் யூனியன். எம்.ஜி.ஆரால் ஆரம்பித்து வைக்கப்பட்ட எங்கள் சங்கம் பொன்விழா ஆண்டை தொட்டிருப்பது எங்களுக்கு மகிழ்ச்சியை தருகிறது.

இந்த சந்தோஷத்தை கொண்டாடும் விதமாக வருகிற ஒகஸ்ட் 26 ஆம் திகதி நேரு உள்ளக விளையாட்டு அரங்கில் பிரமாண்டமான கலை நிகழ்ச்சி நடத்தி கொண்டாட இருக்கிறோம்.

 நாங்கள் இந்திய மொழிப் படங்கள் எல்லாவற்றிலும் பணியாற்றுகிறோம். எங்கள் உழைப்பைப் பற்றியும் எங்கள் இழப்பைப் பற்றியும் எல்லா நடிகர்கள் நடிகைகள் மற்றும் எல்லா கலைஞர்களுக்கும் தெரியும். அதனால் எல்லோரையும் நேரடியாக அழைக்க உள்ளோம்.விழாவில் மூத்த உறுப்பினர்களை கௌரவப்படுத்த உள்ளோம்.

சுமார் 6 மணி நேரம் நடைபெற உள்ள கலை நிகழ்ச்சியில் ஆட்டம் பாட்டம் மற்றும் எங்கள் ஸ்டண்ட் கலைஞர்களின் ஸ்டண்ட் காட்சிகளும் நடைபெறும். கலா மாஸ்டரின் குழுவினரின் பிரமாண்டமான கலை நிகழ்ச்சி நடக்க உள்ளது` என்று குறிப்பிட்டுள்ளார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg