Chrome Badge
android.png
athavannews.png
Athavan Newsswitch to mobile siteswitch to desktop site
தலைப்பு செய்திகள்

சிக்கன் நெய் ரோஸ்ட்

In
Published: 12:25 GMT, Jun 11, 2017 |
0 Comments
1188
This post was written by : Anojkiyan
chkn

தேவையான பொருட்கள்

சிக்கன் – அரை கிலோ (தோல் நீக்கியது)
இஞ்சி பூண்டு பேஸ்ட் – 2 டீஸ்பூன்
உப்பு – தேவையான அளவு
மிளகுத் தூள் – 2 டீஸ்பூன்
கரம் மசாலா – 1 டீஸ்பூன்
சீரகப் பொடி – 2 டீஸ்பூன்
மல்லித் தூள் – 2 டீஸ்பூன்
மிளகாய் தூள் – 1 டீஸ்பூன்
வரமிளகாய் – 3
எலுமிச்சை சாறு – 2 ஸ்பூன்
அரைத்த தக்காளி – 1 கப்
நெய் – 7 டேபிள் ஸ்பூன்
கொத்தமல்லி – அரை கப்
கறிவேப்பிலை – சிறிது

செய்முறை

கொத்தமல்லியை பொடியாக நறுக்கி கொள்ளவும். சிக்கனை நன்றாக கழுவி துண்டுகளாக வெட்டி வைக்கவும். ஒரு கடாயை அடுப்பில் வைத்து, அதில் நெய் ஊற்றி காய்ந்ததும், கறிவேப்பிலை, வரமிளகாய், சீரகப் பொடி, இஞ்சி பூண்டு பேஸ்ட் சேர்த்து குறைவான தீயில் வைத்து தாளிக்க வேண்டும். பின்னர் அதில் அரைத்து தக்காளியை சேர்த்து 5 நிமிடம் நன்கு வதக்கி, பின் கொத்தமல்லித் தூள், மிளகாய் தூள் சேர்த்து, நெய் தனியாக பிரியும் வரை நன்கு வதக்க வேண்டும்.

நெய்யானது பிரிய ஆரம்பித்தால், அதில் சிக்கன் துண்டுகள், உப்பு, கரம் மசாலா மற்றும் மிளகுத் தூள் சேர்த்து நன்கு கிளறி விட வேண்டும். அடுப்பை மிதமான தீயில் வைக்க வேண்டும். பிறகு அதில் கொத்தமல்லி தழையை சேர்த்து பிரட்டி, மூடி வைத்து குறைவான தீயில் 10 நிமிடம் வேக வைக்க வேண்டும். பின் மூடியைத் திறந்து, அதில் எலுமிச்சை சாறு சேர்த்து, மீண்டும் மூடி வைத்து 5 நிமிடம் சிக்கனை நன்கு வேக வைக்க வேண்டும். சிக்கனானது நன்கு வெந்ததும், அதனை இறக்கி, அதில் மீதமுள்ள கொத்தமல்லியைத் தூவி இறக்கி பரிமாறவும். சூப்பரான சிக்கன் நெய் ரோஸ்ட் ரெடி!

ஆதவன் செய்திகளை E-mail மூலம் பெற்றுக்கொள்ள பதிவுசெய்யுங்கள்.