Chrome Badge
Athavan Newsswitch to mobile site switch to desktop site

போர்த்துக்கல் காட்டுத்தீ: உயிரிழப்பு எண்ணிக்கை அதிகரிப்பு (இரண்டாம் இணைப்பு)

In
Updated: 12:02 GMT, Jun 18, 2017 | Published: 04:01 GMT, Jun 18, 2017 |
0 Comments
1173
This post was written by : Anojkiyan

போர்த்துக்கலில் ஏற்பட்டுள்ள பாரியளவிலான காட்டுத்தீ காரணமாக குறைந்தபட்சம் 57 பேர் உயிரிழந்துள்ளதாக அதிகாரிகள் தெரிவித்துள்ளனர். வீதியில் கார்கள் மற்றும் வாகனங்களில் சென்றுகொண்டிருந்த பெருமளவானோர் தப்பியோட முயற்சித்த போதே உயிரிழந்ததாக தெரிவிக்கப்படுகின்றது.மேலும் 59 பேர் காயமடைந்துள்ளதாகவம் தெரிவிக்கப்படுகின்றது.வெகுவாக பரவும் காட்டுத்தீயினை கட்டுப்படுத்துவதற்காக 600 தீயணைப்பு வீரர்கள் முயற்சிசெய்து வருகின்ற போதிலும் காட்டுத்தீ கட்டுப்பாட்டுக்குள் கொண்டுவரப்படவில்லை என தெரிவிக்கப்படுகின்றது. இதன்போது ஆறு தீயணைப்பு வீரர்கள் காயமடைந்துள்ளதாகவும் மேலும் இருவரை காணவில்லை என்றும் கூறப்படுகின்றது.

தீயால் பாதிக்கப்பட்டுள்ள பெரும்பகுதிகளை தீயணைப்பு வீரர்களால் நெருங்க முடியவில்லை என்றும் உயிரிழப்பு எண்ணிக்கை மேலும் அதிகரிக்கலாம் என்றும் தெரிவிக்கப்படுகின்றது.

மத்திய போர்த்துக்கலில் காட்டுத்தீ: 19 பேர் உயிரிழப்பு

மத்திய போர்த்துக்கலில் பரவியுள்ள காட்டுத்தீயினால் இதுவரை 19 பேர் உயிரிழந்துள்ளதாக அந்நாட்டு அரசு தெரிவித்துள்ளது.

மேலும் குறித்த காட்டுத்தீயினால் 20 பேர் காயமடைந்துள்ளதாகவும், ஆறு தீயணைப்பு வீரர்கள் உட்பட, இரண்டு பேர் காணாமல் போயுள்ளதாக தெரிவிக்கப்பட்டுள்ளது.

உள்நாட்டு விவகாரங்களுக்கான மாநில செயலாளர் ஜோர்ஜ் கோம்ஸ், ஜனாதிபதி மார்செலோ ரெபெலோ டி சோசா ஆகியோர் காட்டுத்தீ ஏற்பட்ட தளத்தை பார்வையிடுவார்கள் என அறிவிக்கப்பட்டுள்ளது.

போர்த்துக்கலில் பல தசாப்தங்களுக்கு பிறகு அரங்கேறிய கொடூர காட்டுத்தீ இதுவென கூறப்படுகின்றது.

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

*

  

  

  Type Comments in Tamil language (Press Ctrl+g to toggle between English and Tamil)