Chrome Badge
athavannews.png
Athavan News switch to mobile site switch to desktop site

பிரெக்சிற் பேச்சுவார்த்தை: இருதரப்பு தலைவர்கள் சந்திப்பு (இரண்டாம் இணைப்பு)

In
Updated: 10:34 GMT, Jun 19, 2017 | Published: 07:05 GMT, Jun 19, 2017 |
0 Comments
1662
This post was written by : Sylviya

ஐரோப்பிய ஒன்றியத்திலிருந்து பிரித்தானியா விலகும் பேச்சுவார்த்தைகள் ஆக்கபூர்வமான முறையில் முன்னெடுக்கப்படும் என பிரெக்சிற் விடயங்களைக் கையாளும் அமைச்சர் டேவிட் டேவிஸ் இன்று (திங்கட்கிழமை) தெரிவித்துள்ளார்.

பிரஸ்சல்ஸில் உள்ள ஐரோப்பிய ஆணையத்தின் கட்டிடத்தில் குறித்த பேச்சுவார்த்தைகள் ஆரம்பிக்கப்பட்டுள்ள நிலையில், ஒன்றியத்துடனான பேச்சுவார்த்தைகள் சுமூகமாக அமையும் எனவும் ஐரோப்பிய ஒன்றிய உறவுகள் வலுவானதாக அமையும் எனவும் டேவிட் டேவிஸ் நம்பிக்கை வெளியிட்டுள்ளார்.

குறித்த பேச்சுவார்த்தை தொடர்பான முக்கிய விடயங்கள் மற்றும் கால அட்டவணை தொடர்பில் ஆரம்ப கட்ட பேச்சுவார்த்தையில் கவனம் செலுத்தப்படும் என ஐரோப்பிய ஒன்றியத்தின் பிரெக்சிற் தொடர்பான பேச்சாளர் மிஷெல் பார்னியர் தெரிவித்துள்ளார்.

உத்தியோகபூர்வ பிரெக்சிற் பேச்சுவார்த்தை ஆரம்பம்!

ஐரோப்பிய ஒன்றியத்திலிருந்து பிரித்தானியா விலகுவது தொடர்பான வரலாற்று முக்கியத்துவம் வாய்ந்த பேச்சுவார்த்தை, இன்று (திங்கட்கிழமை) உத்தியோகபூர்வமாக ஆரம்பிக்கப்படவுள்ளது.

பிரித்தானியாவின் எதிர்காலத்தை நிர்ணயிக்கும் குறித்த பேச்சுவார்த்தைக்கு பிரெக்சிற் விடயங்களைக் கையாளும் அமைச்சர் டேவிட் டேவிஸ் தயாராக உள்ள நிலையில், இன்று ஐரோப்பிய ஒன்றியத்துடனான பேச்சுவார்த்தைகள் முறைப்படி ஆரம்பிக்கப்படவுள்ளன.

பிரஸ்சல்ஸில் உள்ள ஐரோப்பிய ஆணையத்தின் கட்டிடத்தில் உள்ளூர் நேரப்படி 11.00 மணியளவில் குறித்த பேச்சுவார்த்தைகள் ஆரம்பிக்கப்படும் என அண்மைய செய்திகள் தெரிவிக்கின்றன.

இதன் போது பிரித்தானியாவில் உள்ள வெளிநாட்டவர்களின் நிலை, ஐரோப்பிய ஒன்றியத்திலிருந்து விலகுவது தொடர்பான விடயங்கள் மற்றும் வடக்கு அயர்லாந்து எல்லை விவகாரம் ஆகியன தொடர்பில் முக்கிய கவனம் செலுத்தப்படும் என தெரிவிக்கப்பட்டுள்ளது.

இன்று ஆரம்பிக்கப்படும் குறித்த பேச்சுவார்த்தைகள் முறைப்படி முன்னெடுக்கப்பட்டு,  எதிர்வரும் 2019 ஆம் ஆண்டு மார்ச் மாதம் இறுதியில் ஐரோப்பிய ஒன்றியத்திலிருந்து பிரித்தானியா முறைப்படி விலகும் என அறிவிக்கப்பட்டுள்ளது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg