Chrome Badge
Athavan Newsswitch to mobile site switch to desktop site

மீண்டும் ஒரு ஆயுதப் போராட்டத்திற்கு சந்தர்ப்பமில்லை: சித்தார்த்தன்

In
Updated: 15:58 GMT, Jul 15, 2017 | Published: 14:59 GMT, Jul 15, 2017 |
0 Comments
1761
This post was written by : Ravivarman
Sithadthan-720x480

மிகவும் பலம் பொருந்திய தமிழீழ விடுதலைப்புலிகளால் சாதிக்க முடியாத ஒரு விடயத்தை இனிமேலும் சாதிக்க முடியாது. ஆகவே மீண்டும் ஒரு ஆயுதப் போராட்டத்திற்கு சந்தர்ப்பமில்லை என புளொட் அமைப்பின் தலைவர் தர்மலிங்கம் சித்தார்த்தன் தெரிவித்தார்.

தமிழீழ மக்கள் விடுதலைக் கழகத்தின் (புளொட்) 28 ஆவது வீர மக்கள் தினம் நிகழ்வு மட்டக்களப்பு பல நோக்கு கூட்டுறவுச் சங்க மண்டபத்தில் இன்று (சனிக்கிழமை) அனுஷ்டிக்கப்பட்டது.

இதில் பிரதம அதிதியாக கலந்து கொண்டு உரையாற்றியபோதே இதனைக் குறிப்பிட்டுள்ளார். இது குறித்து அவர் மேலும் தெரிவிக்கையில்,

“சிலவேளை நாங்கள் ஆயுதப் போராட்டத்தை மீண்டும் ஆரம்பித்தால் முற்று முழுதாக தமிழினத்தை பேரினவாதிகள் அழித்துவிடலாம் ஆகவே தமிழீழம் ஒரு தீர்வாக இருக்கமுடியாது.

இந்தியாவுடைய அரசியல் சர்வதேச அணுகுமுறை அதேபோன்ற உலகினுடைய அணுகுமுறை தமிழீழத்தை பிரிப்பது என்றால் அவர்களுக்கு என்ன இலாபம் என்பதை கணக்கிடுவார்களே தவிர எங்களுக்காக நிச்சயமாக செய்ய மாட்டார்கள் என நாங்கள் புரிந்து கொள்ளவேண்டும்.

எங்களுடைய தோல்விகளுக்கு அதுவும் ஒரு காரணம் இன்று பொருளாதாரம், கல்வி போன்ற துறைகளில் ஒரு பலவீனமான சமூகமாக ஆக்கப்பட்டுள்ளோம்.

ஆகவே நாங்கள் அனைவரும் ஒற்றுமையாக ஒரு சாத்வீக போராட்டங்கள், பேச்சுவார்த்தைகளில் இருந்து தமிழ் மக்களுக்கான ஒரு நியாயமான ஒரு தீர்வை பெற்றுக் கொடுக்கவேண்டும்” என தர்மலிங்கம் சித்தார்த்தன் மேலும் தெரிவித்தார்.

ஆதவன் செய்திகளை E-mail மூலம் பெற்றுக்கொள்ள பதிவுசெய்யுங்கள்.

Delivered by FeedBurner

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

*

  

  

  Type Comments in Tamil language (Press Ctrl+g to toggle between English and Tamil)