Chrome Badge
athavannews.png
Athavan News switch to mobile site switch to desktop site

தனி மாநில கோரிக்கை: டார்ஜிலிங்கின் இயல்பு நிலை பாதிப்பு

In இந்தியா
Published: 05:39 GMT, Jul 16, 2017 |
0 Comments
1245
icon_com
This post was written by : Kalavarshny Kanagaratnam

தனி மாநிலம் கோரி கோர்க்கா ஜனமுக்தி மோர்ச்சா அமைப்பினர் மேற்கொண்டு வரும் தொடர் போராட்டம் காரணமாக, இந்தியாவின் கிழக்கு மலைப் பிரதேசமான டார்ஜிலிங்கின் இயல்பு நிலை தொடர்ந்தும் பாதிக்கப்பட்டுள்ளது.

இமாலய கலாசாரத்தை பாதுகாக்கும் பொருட்டு, மேற்கு வங்க மாநிலத்திலிருந்து கோர்கலாந்தை தனி மாநிலமாக்குமாறு கோரி, நேபாள மொழி பேசும் கோர்க்கா அமைப்பினர் இவ் ஆர்ப்பாட்டத்தை முன்னெடுத்து வருகின்றனர்.

இவ் அமைப்பினர் கடந்த ஒரு மாத காலமாக முன்னெடுத்து வரும் தொடர் போராட்டத்தின் போது, பாதுகாப்பு படையினருடன் ஏற்பட்ட மோதலில் ஏழு பேர் கொல்லப்பட்டுள்ளதோடு, பலர் காயமடைந்துள்ளனர்.

இதேவேளை, மேற்கு வங்கத்தில் உள்ள அனைத்து அரசு மற்றும் தனியார் பாடசாலைகளிலும் வங்காள மொழி கட்டாயமாக்கப்படும் என்று மேற்கு வங்க கல்வியமைச்சர் பார்தா சட்டர்ஜி அறிவித்ததை தொடர்ந்தே இவ் அமைப்பினரில் ஆர்ப்பாட்டம் வலுப்பெற்றுள்ளது.

நேற்று (சனிக்கிழமை) முதல் உண்ணாவிரத போராட்டமாக தமது ஆர்ப்பாட்டத்தை மாற்றவுள்ளதாக மோர்ச்சா அமைப்பினர் தெரிவித்திருந்த போதிலும், நாளைய ஜனாதிபதி தேர்தலை முன்னிட்டு இப் போராட்டம் ஒத்திவைக்கப்பட்டுள்ளது.

கோர்கலாந்து தொடர்பான கோரிக்கை பல தசாப்த காலமாக நீடித்து வருகின்றது. கோர்கலாந்தை தனி மாநிலமாக்குமாறு கோரி கடந்த 1980ஆம் ஆண்டு முன்னெடுக்கப்பட்ட பாரிய ஆர்ப்பாட்டத்தின் போது, சுமார் 1200 பொதுமக்கள் கொல்லப்பட்டமை குறிப்பிடத்தக்கது.

Banner
toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg