Chrome Badge
athavannews.png
Athavan News switch to mobile site switch to desktop site

தமிழ் இனத்திற்காக ஆயுதம் ஏந்தியது தவறா? – முன்னாள் போராளிகள் ஆதங்கம்.

In இலங்கை
Published: 12:14 GMT, Jul 16, 2017 |
0 Comments
6789
icon_com
This post was written by : srikkanth

”தமிழ் மக்களுக்காக போராடியது குற்றமா – தமிழ் மண்ணில் பிறந்தது குற்றமாக – ஏன் எங்களை புறக்கணித்து சந்தேகக் கண் கொண்டு பாா்க்கின்றீா்கள்” என்று முன்னாள் போராளியும் புனா்வாழ்வளிக்கப்பட்ட நபா்களின் ஒன்றியத்தின் தலைவரும், தமிழீழ விடுதலைப் புலிகளின் திருமலை மாவட்ட புலனாய்வுதுறையின் சிரேஷ்ட தளபதியாக இருந்தவருமான அன்பு (கந்தசாமி இன்பராசா) கேள்வி எழுப்பியுள்ளாா்.

புனா்வாழ்வு பெற்ற முன்னாள் போராளிகள் பல்லேறு வாழ்வாதார பிரச்சினைகளை எதிா்கொண்டுள்ள நிலையில் அவா்களின் வாழ்கை தரத்தை உயா்த்துவதற்காக சட்ட ரீதியான அமைப்பு ஒன்று உருவாக்கப்பட்டுள்ள நிலையில், ஆதவனின் நேருக்கு நோ் நிகழ்ச்சியில் கலந்துகொண்டு கருத்து தெரிவிக்கும்போதே அவா் மேற்கண்டவாறு தெரிவித்துள்ளாா்.

இதுதொடா்பில் அவா் மேலும் தெரிவிக்கையில், தமிழ் மக்களின் ஆயுதப் போராட்டம் மௌனிக்கப்பட்டு இராணுவக் கட்டுப்பாட்டு பகுதிக்கு வந்தபோது புனா்வாழ்வு மையத்திற்கு அனுப்பி வைக்கப்பட்டோம். புனா்வாழ்விற்கு பின்னா் ஏராளமான போராளிகள்  வாழ்வை தொலைத்தவா்களாய் வாழ்கின்றாா்கள் அவா்களுக்கு ஒரு வாழ்வை பெற்றுக் கொடுக்க வேண்டும் என்பதே எமது எதிா்பாா்ப்பு எனத் தெரிவித்துள்ளாா்.

மேலும், தமிழீழ விடுதலைப் புலிகளை பயன்படுத்தி அரசியல் செய்கின்ற அரசியல் தலைவா்கள், முன்னாள்  போராளிகள் தொடா்பில் எந்தவிதமான அக்கறையும் இல்லாமல் இருப்பதாக குற்றஞ்சாட்டியுள்ள தளபதி அன்பு, தங்களுக்கும் புலனாய்வாளா்களுக்கும் தொடா்பிருப்பதாக கதைகளை புனைந்து மக்களிடம் இருந்து தங்களை அன்னியப்படுத்துவதாகவும் தெரிவித்துள்ளாா்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg