Chrome Badge
athavannews.png
Athavan News switch to mobile site switch to desktop site

புதிதாக 79,500 பேருக்கு வேலை வாய்ப்பு: கனேடிய புள்ளிவிபரத் திணைக்களம் தகவல்

In கனடா
Published: 10:53 GMT, Dec 4, 2017 |
0 Comments
1051
icon_com
This post was written by : Anojkiyan
canda

கடந்த மாதத்தில் புதிதாக 79,500 பேருக்கு வேலை வாய்ப்பு கிடைத்துள்ளதாக கனேடிய புள்ளிவிபரத் திணைக்களம் தெரிவித்துள்ளது.

அத்துடன் தொடர்ச்சியாக கடந்த 12 மாதங்களாக கனடாவில் புதிய வேலை வாய்ப்புகள் ஆக்கபூர்வமான வளர்ச்சியை பதிவு செய்து வந்துள்ளதுடன், கடந்த 2007ஆம் ஆண்டு மார்ச் மாதத்தின் பின்னர், மீண்டும் தற்போதே இவ்வாறான நிலை ஏற்பட்டுள்ளதாக கூறப்படுகிறது.

அந்த வகையில் கடந்த 12 மாதங்களில் வேலை வாய்ப்புகள் 2.1 சதவீத அதிகரிப்பை பதிவு செய்துள்ளதாகவும், நவம்பர் மாதம் வரையில் குறைந்தது 3,90,000 பேருக்கு புதிதாக முழுநேர வேலை கிடைத்துள்ளதாகவும், 18 ஆண்டுகளின் பின்னர் இந்த நிலைமை ஏற்பட்டுள்ளதாகவும் புள்ளி விபரங்கள் தகவல்கள் தெரிவிக்கின்றன.

நாட்டின் வேலையற்றோர் வீதம் 5.9 ஆக குறைவடைந்துள்ளதாகவும் தெரிவிக்கப்பட்டுள்ளதுடன், கனேடிய வரலாற்றில் கடந்த சுமார் பத்து ஆண்டு காலத்தில், இதுவே ஆகக்குறைந்த வேலையற்றோர் வீதம் எனவும் கனேடிய புள்ளிவிபரத் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.

ஒக்டோபர் மாதத்தில் 6.3ஆக காணப்பட்ட வேலையற்றோர் வீதம், கடந்த மாதத்தில் 5.9ஆக குறைவடைந்துள்ளதாகவும், நாட்டின் பொருளாதாரமும் மூன்றாவது காலாண்டில் 1.7 சதவீத வளர்ச்சியை பதிவு செய்துள்ளதாகவும் மத்திய புள்ளிவிபரத் திணைக்களம் தெரிவித்துள்ளது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)