Chrome Badge
athavannews.png
Athavan News switch to mobile site switch to desktop site

சிம்புவுக்கும் எனக்கும் எந்த பிரச்சினையும் இல்லை: தனுஷ்

In சினிமா
Updated: 12:42 GMT, Dec 7, 2017 | Published: 07:57 GMT, Dec 7, 2017 |
0 Comments
1260
icon_com
This post was written by : Vithushagan

எனக்கும் சிம்புவுக்கும் எந்த பிரச்சினையும்  இல்லை எங்களுக்கு நடுவில் இருப்பவர்கள் தான் பிரச்சினைகளை ஏற்படுத்தி வருகின்றனர் என நடிகர் தனுஷ் தெரிவித்துள்ளார்.

சந்தானம் நடிப்பில் உருவாகி இருக்கும் `சக்க போடு போடு ராஜா’ படத்தின் இசை வெளியீட்டு விழா நேற்று (புதன்கிழமை) பிரமாண்டமாக நடைபெற்றது. இதில் நடிகர் தனுஷ் சிறப்பு விருந்தினராக கலந்து கொண்டு உரையாற்றும் போதே இவ்வாறு தெரிவித்துள்ளார்.

தொடர்ந்து கருத்து தெரிவித்த அவர், “ சிம்பு அழைப்பு விடுத்ததாலேயே இந்த விழாவில் கலந்து கொண்டிருக்கிறேன். அதேபோல் நான் விழாக்களுக்கு அழைப்பு விடுத்தால் அவரும் வருவார். அவரும் நானும் நல்ல நட்புடன் தான் உள்ளோம்.

மற்றவர்கள் கூறுவது போல் எனக்கும் அவருக்கும் எந்தபிரச்சினையும்  இல்லை. எங்களுக்கு நடுவில் இருப்பவர்களுக்குள் தான் பிரச்சினையும்  உள்ளது. அவர்கள் தான் எங்களுக்கு இடையில் பிரச்சனைகளை ஏற்படுத்தி வருகின்றனர். எனினும் நாங்கள் நட்புடன் தான் இருக்கிறோம். ஏறக்குறைய 15 வருட நட்பு எங்களுடையது.

நான் இங்கு வந்தபோது சிம்புவின் இரசிகர்கள் எனக்கு உற்சாக வரவேற்பு அளித்தனர். அதேபோல் என் விழாக்களுக்கு அவர் வரும்போது, எனது ரசிகர்களும் அவருக்கு இதேபோன்ற வரவேற்பை அளிப்பார்கள்.

அனைத்து நடிகர்களுமே அவர்களது இரசிகர்களுக்காக மட்டுமே படம் பண்ணவில்லை. அனைவரும் பார்க்க வேண்டும் என்ற எண்ணத்தில் தான் படத்தில் நடிக்கிறார்கள்.

சிம்பு தனது ரசிகர்களுக்காக ஆண்டுக்கு இரண்டு திரைப்படங்களாவது நடிக்க வேண்டும். அது உங்கள் கடமை. உங்கள் இரசிகர்கள் சார்பில் கேட்டுக்கொள்கிறேன்” என கூறியுள்ளார்.

இந்த விழாவில் சந்தானம், சிம்பு, தனுஷ், யுவன் சங்கர்ராஜா, இயக்குனர் ராஜேஷ் உள்ளிட்ட பிரபலங்கள் பலரும் கலந்துகொண்டனர்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg