Chrome Badge
athavannews.png
Athavan News switch to mobile site switch to desktop site

காதலில் மோதலை தரும் ‘விதி மதி உல்டா’

In திரை விமர்சனம்
Published: 10:14 GMT, Jan 8, 2018 |
0 Comments
1086
icon_com
This post was written by : Surenth
Vithi-Mathi-Ulta-Movie-Stills

ரமீஸ் ராஜா, ஜனனி ஐயர், டேனியல் பாலாஜி, கருணாகரன், சென்ராயன் ஆகியோரின் நடிப்பில், ‘விதி மதி உல்டா’ திரைப்படம் உருவாகியுள்ளது.

ரைட் மீடியா ஒர்க்ஸ் தயாரிப்பில், எம்எஸ்எம் மூவி டிரேடர்ஸ் வெளியிட்டில், ஐ.மார்ட்டின் ஜோ ஓளிப்பதிவில், அஸ்வின் விநாயகமூர்த்தி இசையில், விஜய் பாலாஜி இயக்கத்தில், திரைக்கு வந்திருக்கின்றது இந்தத் திரைப்படம்.

இந்த திரைப்படத்தில், நாயகன் ரமீஸ் ராஜா வேலைக்கு போகாமல் வீட்டில் வெட்டியாக இருக்கிறார். இவருடைய அப்பா ஞானபிரகாசம், புரோக்கர் சென்ட்ராயனுக்கு கமிஷன் தராத காரணத்தால், ரமீஸ் ராஜவை கடத்தி பணத்தை திரும்பி பெற நினைக்கிறார்.

இதற்கு மத்தியில், நாயகன், நாயகி ஜனனி ஐயரை பார்த்ததும் காதல் வசப்படுகிறார். பல நாட்கள் பின்தொடர்ந்து பின்னர் தன் காதலை ஜனனி ஐயரிடம் கூறுகிறார். முதலில் மறுப்பு தெரிவித்தாலும், பின்னர் காதலை ஏற்றுக்கொள்கிறார்.

இது இவ்வாறு இருக்க ஜனனி ஐயரை, சென்னையில் மிகப்பெரிய ரௌடியான டேனியல் பாலாஜியின் தம்பி ஒரு தலையாக காதலித்து வருகிறார். இவரது காதலை ஜனனி ஏற்க மறுக்கிறார். இதனால் ஜனனியை கடத்தி ஒரு பாழடைந்த கட்டடத்தில் அடைக்கிறார். இதே இடத்தில்தான் சென்ட்ராயனும் ரமீஸ் ராஜானை கடத்தி கொண்டு வருகிறார்.

அப்போது, திருடனான கருணாகரந்தான் திருடிய பொருட்களை எடுத்து செல்ல நாயகன், நாயகி கடத்தி வைக்கப்பட்டிருக்கும் கட்டடத்திற்கு வருகிறார். இவர்கள் அனைவரும் சந்தித்துக்கொள்ள, ஏற்படும் மோதலில் டேனியல் பாலாஜியின் தம்பி எதிர்ப்பாராத விதமாக சுட்டுக்கொள்ளப்படுகிறான்.

இதை அறிந்த டேனியல் பாலாஜி, தனது தம்பியை கொன்றது ரமீஸ் ராஜாதான் என நினைத்து அவரது பெற்றோரை கொன்றுவிடுகிறான். அவ்வளவுதான கதை என நினைக்கும் போது நாயகன் பதற்றத்துடன் தூக்கத்தில் இருந்து எழுகிறார். ஆம், இவை அனைத்தும் கனவே.

ஆனால், கனவில் தோன்றிய அனைத்தும் நாயகனின் வாழ்க்கையில் நடக்க ஆரம்பிக்கிறது. அடுத்து என்ன நடக்கும் என தெரிந்த நிலையில், அதை நடக்கவிடாமல் எப்படி தடுக்கிறார் என்பதுதான் படத்தின் மீதி கதை.

படத்தின் நாயகனாக ரமீஸ் ராஜா, வெகுளித்தனமான நடிப்பால் கவர்கிறார். நாயகி ஜனனி ஐயர், முதல் காட்சியில் இருந்து இறுதி காட்சிவரை படத்தில் பயணிக்கிறார். சிறப்பான நடிப்பை வெளிபடுத்தியுள்ளார்.

வில்லத்தனத்தில் டேனியல் பாலாஜி மிரட்டி இருக்கிறார். கருணாகரனும் வித்தியாசமான கதாபாத்திரத்தை ஏற்று சிறப்பாக நடித்திருக்கிறார். சென்ட்ராயன், ஞானபிரகாசம் ஆகியோரின் நடிப்பு படத்திற்கு பலம் சேர்த்திருக்கிறது.

இதுபோன்ற கதை களத்தில் ஏற்கனவே படங்கள் வந்திருந்தாலும், இப்படத்தை காமெடியுடன் சொல்லிருக்கிறார் இயக்குனர் விஜய் பாலாஜி. அஸ்வின் விநாயகமூர்த்தியின் இசையில் பாடல்கள் ரசிக்கும் வகையில் அமைந்துள்ளது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)