Chrome Badge
athavannews.png
Athavan News switch to mobile site switch to desktop site

இலங்கை அணித்தலைவராக மெத்தியூஸ் நியமனம் (2ஆம் இணைப்பு)

In கிாிக்கட்
Updated: 07:14 GMT, Jan 9, 2018 | Published: 04:11 GMT, Jan 9, 2018 |
0 Comments
1491
icon_com
This post was written by : Elakkiya
DTE7z7_VwAAqFoQ

மட்டுப்படுத்தப்பட்ட ஓவர் கிரிக்கட் போட்டிகளுக்கான இலங்கை அணித்தலைவராக மெத்தியூஸ் நியமிக்கப்பட்டுள்ளார்.

அனைத்து வகையான கிரிக்கட் போட்டிகளுக்குமான அணித்தலைவர் பதவியிலிருந்து கடந்த ஜூலை மாதம் விலகிக் கொண்ட மெத்தியூஸ் இன்று (செவ்வாய்க்கிழமை) மட்டுப்படுத்தப்பட்ட ஓவர் கிரிக்கட் போட்டிகளுக்கான இலங்கை அணித்தலைவராக மீண்டும் நியமிக்கப்பட்டுள்ளார்.

இது தொடர்பாக செய்தியாளர்களிடம் கருத்து தெரிவித்த மெத்தியூஸ், “நான் பதவி விலகும் போது மீண்டும் அணித்தலைமையை ஏற்பேன் என்று நினைக்கவில்லை. ஆனால் ஜனாதிபதி, இலங்கை அணியின் பயிற்சியாளர் சந்திக்க ஹத்துருசிங்க, மற்றும் தேர்வாளர்கள் மீண்டும் அணித்தலைமையை ஏற்றுக் கொள்ளுமாறு என்னிடம் பேசினர். இது தொடர்பாக சிந்திப்பதற்கு ஒருசில நாட்கள் எடுத்துக் கொண்டேன். முடிவில் சில காரணங்களுக்காக அணித்தலைமையை ஏற்க முடிவு செய்தேன்.

உலகக்கிண்ணத்துக்கு உறுதிப்பாடுகள் தேவைப்படுகின்றது. பயிற்சியாளர் ஹத்துருசிங்க எவ்வாறு செயற்படுவார் என்பது எனக்கு தெரியும்.அவருடன் பணியாற்றுவது மிகவும் இலகுவானது” என்று தெரிவித்துள்ளார்.

மெத்தியூஸ் மீண்டும் அணித்தலைமை ஏற்கிறார்!

மட்டுப்படுத்தப்பட்ட ஓவர் போட்டிகளுக்கான இலங்கை அணித்தலைவராக மீண்டும் ஏஞ்சலோ மெத்தியூஸ் நியமிக்கப்படவுள்ளார்.

எதிர்வரும் 17 ஆம் திகதி ஆரம்பமாகவுள்ள பங்களாதேஷ் மற்றும் சிம்பாப்வே அணிகளுடனான  முத்தரப்பு ஒருநாள் கிரிக்கட் போட்டி இலங்கை அணி விபரம் இன்று (செவ்வாய்க்கிழமை) அறிவிக்கப்படவுள்ள நிலையில் ஏஞ்சலோ மெத்தியூஸ் அணித்தலைவர் பொறுப்பேற்கவுள்ளதாக கூறப்படுகின்றது.

அதன்படி இன்று (செவ்வாய்க்கிழமை) தேர்வுக் குழுவினரை சந்திக்கும் மெத்தியூஸ் அதனைத் தொடர்ந்து ஊடக சந்திப்பையும் நடத்தவுள்ளதாக கூறப்படுகின்றது.

கடந்த 2013 ஆம் ஆண்டு அணித்தலைமையை ஏற்றுக் கொண்ட மெத்தியூஸ் தலைமையில் 98 ஒருநாள் போட்டிகளில் விளையாடிய இலங்கை அணி அவற்றில் 47 போட்டிகளில் வெற்றிபெற்றுள்ளது. அதேவேளை அணித்தலைவராக ஒருநாள் போட்டிகளில் 2949 ஓட்டங்களையும் குவித்துள்ளார்.

கடந்த ஜூலை மாதம் சிம்பாப்வே அணியுடன் நடைபெற்ற ஒருநாள் கிரிக்கட் தொடரில் இலங்கை அணி படுதோல்வியடைந்த நிலையில் அனைத்து வகையான கிரிக்கட் போட்டிகளுக்குமான அணித்தலைவர் பதவியிலிருந்து மெத்தியூஸ் விலகியமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)