Chrome Badge
athavannews.png
Athavan News switch to mobile site switch to desktop site

பாதுகாப்பில் மாற்றம்: சுகாதார அமைச்சர் விசனம்!

In இலங்கை
Published: 07:43 GMT, Jan 10, 2018 |
0 Comments
1113
This post was written by : Ravivarman
dr

தனக்கு வழங்கப்பட்டுள்ள தனிப்பட்ட பொலிஸ் பாதுகாப்பில் மன்னார் பொலிஸ் நிலைய பொறுப்பதிகாரி மாற்றத்தை ஏற்படுத்தியுள்ளதாக வடமாகாண சுகாதார அமைச்சர் ஜீ.குணசீலன் குற்றம் சுமத்தியுள்ளார்.

இது தொடர்பாக இன்று (புதன்கிழமை) ஊடகவியலாளர்களுக்குக் கருத்துத் தெரிவிக்கையிலேயே இதனைக் குறிப்பிட்டுள்ளார். இது குறித்து அவர் மேலும் தெரிவிக்கையில், “வடமாகாண சபை உறுப்பினர்கள் அனைவருக்கும் வழங்கப்பட்ட பொலிஸ் பாதுகாப்பு கடந்த 4 வருடங்களாக எனக்கும் வழங்கப்பட்டிருந்தது.

மன்னார் பொலிஸ் நிலையத்தைச் சேர்ந்த 2 பொலிஸார் கடந்த 4 வருடங்களாக எனது மெய்ப்பாதுகாவலர்களாக கடமையாற்றி வந்தனர்.

இந்த நிலையில் தற்போது வடமாகாண சுகாதார அமைச்சராக நான் நியமிக்கப்பட்டுள்ள நிலையில் எனக்குத் தனிப்பட்ட பாதுகாப்பிற்காக வழங்கப்பட்ட இரண்டு பொலிஸ் உத்தியோகத்தர்களின் கடமையினை மன்னார் பொலிஸ் நிலையத்திற்கு தற்போது புதிதாக நியமிக்கப்பட்டுள்ள நிலைய பொறுப்பதிகாரி மட்டுப்படுத்தியுள்ளார்.

குறித்த இரண்டு பொலிஸ் உத்தியோகத்தர்களையும் மன்னார் பொலிஸ் நிலைய பிரிவைத் தவிர வேறு எங்கும் செல்ல வேண்டாம் என மன்னார் பொலிஸ் நிலைய பொறுப்பதிகாரி உத்தரவிட்டுள்ளார். இதனால் அவர்கள் மீள பொலிஸ் நிலையத்திற்கு அழைக்கப்பட்டுள்ளனர்.

வடமாகாண சுகாதார அமைச்சர் என்ற வகையில் நான் வடக்கில் உள்ள அனைத்து மாவட்டங்களுக்கும் செல்ல வேண்டியுள்ளது. அங்கு செல்லும் போது எனது மெய்ப்பாதுகாவலர்கள் என்னுடன் கூட வர வேண்டிய நிலை உள்ளது. ஏனைய மாகாண சபை உறுப்பினர்கள், மாகாண அமைச்சர்களுக்கு பாதுகாப்பிற்காக வழங்கப்பட்டுள்ள பொலிஸார் கூடவே செல்லுகின்றனர். கடந்த காலங்களில் எவ்வித பிரச்சினைகளும் ஏற்படவில்லை.

தற்போது மன்னார் பொலிஸ் நிலையத்திற்கு புதிதாக நியமிக்கப்பட்டுள்ள நிலைய பொறுப்பதிகாரியே குறித்த நடவடிக்கையில் ஈடுபட்டுள்ளார். மன்னாரைச் சேர்ந்த மேலும் ஒரு மாகாணசபை உறுப்பினருக்கு மன்னார் பொலிஸ் நிலையத்தினுடாக வழங்கப்பட்டிருந்த தனிப்பாட்ட பொலிஸ் பாதுகாப்பும் மட்டுப்படுத்தப்பட்டுள்ளதாக அறிகின்றேன்.

குறித்த மாகாண சபை உறுப்பினரின் மெய்ப்பாதுகாவலர்கள் இருவரும் மன்னார் பொலிஸ் நிலையப் பகுதியைத் தவிர வேறு எங்கும் செல்ல அனுமதி இல்லை. இவ்விடயம் தொடர்பில் வன்னி மாவட்ட பிரதிப் பொலிஸ்மா அதிபர் தேசபந்து தென்னக்கோனின் கவனத்திற்கும், பொலிஸ்மா அதிபரின் கவனத்திற்கும் கொண்டு செல்ல உள்ளேன்” என அவர் மேலும் தெரிவித்தார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)