Chrome Badge
athavannews.png
Athavan News switch to mobile site switch to desktop site

மாவிட்டபுரம் கந்தசுவாமி ஆலயக் குருக்களுக்கு மல்லாகம் நீதிமன்றம் எச்சரிக்கை!

In இலங்கை
Published: 07:54 GMT, Jan 12, 2018 |
0 Comments
1106
icon_com
This post was written by : Ravivarman
16684016_1674939502521074_9091875419039160167_n

தேர்தல் பரப்புரைக் கூட்டத்தை நடத்த மாவிட்டபுரம் கந்தசுவாமி ஆலய வளாகத்தை வழங்கியமை தேர்தல்கள் ஆணைக்குழுவின் விதிமுறைகளை மீறும் செயற்பாடு என ஆலயத்தின் குருக்களுக்கு நேற்று (வியாழக்கிழமை) மல்லாகம் நீதிமன்றால் எச்சரிக்க விடுக்கப்பட்டுள்ளது.

தேர்தல் பரப்புரைக் கூட்டங்களை மத வழிபாட்டுத் தலங்களில் நடத்துவது முற்றாகத் தடை செய்யப்பட்டுள்ளது என உள்ளூராட்சி மன்றத் தேர்தலுக்கான வேட்பு மனுக்களை கோர முன்னரே தேர்தல்கள் ஆணைக்குழு அறிவித்திருந்தது.

இந்த நிலையில் அகில இலங்கை தமிழ் காங்கிரஸ் கட்சியுடன் இணைந்து தமிழ் தேசியப் பேரவை என்ற தேர்தல் அமைப்பில் போட்டியிடும் வேட்பாளர்கள் சிலர் மாவிட்டபுரம் கந்தசுவாமி ஆலய வளாகத்தில் தமது தேர்தல் அறிக்கையை வெளியிட்டனர். அதுதொடர்பான செய்திகள் ஒளிப்படங்கள் ஊடகங்களில் வெளியாகியிருந்தன.

இந்த விடயத்தை தேர்தல்கள் ஆணைக்குழு கவனத்தில் எடுத்திருந்ததுடன், தேர்தல்கள் ஆணைக்குழுவின் விதிமுறைகளை அந்தக் கட்சி மீறிவிட்டதாக ஆணைக்குழுவால் சுட்டிக்காட்டப்பட்டது.

இந்நிலையில் ஆலய வளாகத்தில் தேர்தல் பரப்புரைக்கு அனுமதித்த ஆலயக் குருக்களுக்கும் எதிராக நடவடிக்கை எடுக்கப்படவேண்டும் என தேர்தல்கள் ஆணைக்குழுவின் தலைவர் மகிந்த தேசப்பிரிய அறிவுறுத்தல் வழங்கினார்.

அதனைத் தொடர்ந்து தேர்தல்களுக்குப் பொறுப்பான பொலிஸ் பிரிவினரால் தெல்லிப்பளைப் பொலிஸாரின் ஊடாக மாவிட்டபுரம் கந்தசுவாமி ஆலய குருக்கள் விசாரணைக்கு உட்படுத்தப்பட்டார்.

அவருக்கு தேர்தல் விதிமுறை தொடர்பில் உரிய கட்டளையை வழங்க மல்லாகம் நீதிவான் நீதிமன்றுக்கு குருக்கள் நேற்று அழைக்கப்பட்டிருந்ததுடன், அவை தொடர்பான அறிவுரைகளும் அவருக்கு வழங்கப்பட்டிருந்தன.

அதனைத் தொடர்ந்து இந்தக் குற்றச்சாட்டு மீதான வழக்கு விசாரணைகளிலிருந்து மாவிட்டபுரம் கந்தசுவாமி ஆலய குருக்கள் விடுவிக்கப்பட்டமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)