Chrome Badge
athavannews.png
Athavan News switch to mobile site switch to desktop site

கூட்டமைப்பைத் தவிர வாக்குக் கேட்பதற்கு எந்தக் கட்சிக்கும் உரிமை இல்லை : ஞா.சிறிநேசன்

In இலங்கை
Updated: 06:38 GMT, Jan 13, 2018 | Published: 04:15 GMT, Jan 13, 2018 |
0 Comments
1153
This post was written by : Arul Jesu

தமிழ்த்தேசியக் கூட்டமைப்பைத் தவிர தமிழ் மக்களிடம் வாக்கு கேட்கும் உரிமை வேறு எந்தக்கட்சிக்கும் இல்லையென மட்டக்களப்பு மாவட்ட தமிழ் தேசிய கூட்டமைப்பின் பாராளுமன்ற உறுப்பினர் ஞா.சிறிநேசன் தெரிவித்துள்ளார்.

மட்டக்களப்பு மாவட்டத்தின் போரதீவுப்பற்று பிரதேசபைக்கான தேர்தலில் போட்டியிடுகின்ற யோ.ரஜனி மற்றும் கயசீலன் ஆகியோரின் தேர்தல் செயற்பாட்டு அலுவலகம் பாலையடிவட்டை, கூழாவடியில் நேற்று (வெள்ளிக்கிழமை) மாலை திறந்துவைக்கப்படட்டது.

முன்னாள் பாராளுமன்ற உறுப்பினரும் கிழக்கு மாகாணசபையின் முன்னாள் உறுப்பினருமான கோவிந்தன் கருணாகரம் தலைமையில் நடைபெற்ற இந்த நிகழ்வில் மட்டக்களப்பு மாவட்ட தமிழ் தேசிய கூட்டமைப்பு பாராளுமன்ற உறுப்பினர் ஞா.சிறிநேசன் பிரதம அதிதியாகவும், சிறப்பு அதிதியாக கிழக்கு மாகாணசபையின் முன்னாள் பிரதி தவிசாளர் பிரசன்னா இந்திரகுமாரும் கலந்துகொண்டிருந்தார்.

இதன்போது,  பாராளுமன்ற உறுப்பினர் ஞா.சிறிநேசன் உரையாற்றுகையில்,

‘உலகமே வியந்த விலைபோகாததும் மிகவும் கட்டுப்பாட்டுடனும் இருந்த விடுதலைப்போராட்டத்தினை பலவீனப்படுத்தியது யார்? இப்படிப்பட்டவர்கள் எப்படி வந்து உங்களிடம் வாக்குகளை கேட்கமுடியும்.

அநீயாயங்களை அக்கிரமங்களை செய்தவர்கள்,பெண்களின் தன்மானத்தோடு விளையாடியவர்கள், கொடுமைகளைச் செய்தவர்கள் கூட தமிழ் மக்களிடம் வாக்கு கேட்டுவருகின்றனர்.

கொலைகள் விழுந்தாலும் கூட கொள்கையில் இருந்து மாறாமல்செல்லும் கட்சியாக தமிழ் தேசிய கூட்டமைப்பு மட்டுமே உள்ளது. கொள்கையில் இல்லாமல் போராட்டத்திற்கு சென்று அதனை மெலினப்படுத்தியவர்கள், போராட்டத்தின் பலத்தினை இழக்க செய்தவர்கள், எங்களுக்கு எதிரானவர்களிடம் சரணாகதியடைந்து எங்களை அவர்களிடம் காட்டிக்கொடுத்தவர்கள், இவ்வாறானவர்களுக்கு வாக்களிப்பதை தமிழர்கள் செய்யமாட்டார்கள். மட்டக்களப்பு மாவட்டத்தில் கூட்மைப்பைத் தவிர வாக்கு கேட்பதற்கு வேறு எந்தக்கட்சிக்கும் அருகதை கிடையாது’ என்றார்.

DSC09265

DSC09268

DSC09289

DSC09293

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg