Chrome Badge
athavannews.png
Athavan News switch to mobile site switch to desktop site

மஹிந்தவின் அணியினர் ஐக்கிய தேசியக் கட்சிக்குத் தாவல்!

In இலங்கை
Updated: 11:48 GMT, Jan 21, 2018 | Published: 10:41 GMT, Jan 21, 2018 |
0 Comments
1610
This post was written by : Ravivarman

முன்னாள் ஜனாதிபதி மஹிந்த ராஜபக்ஷவின் தாமரை மொட்டு அணியின் சார்பில் ஏறாவூர் நகர சபைக்கான வேட்பாளர்கள் அனைவரும் ஐக்கிய தேசியக் கட்சி சார்பிலான ஸ்ரீலங்கா முஸ்லிம் காங்கிரஸ் கட்சிக்குத் தாவியுள்ளனர்.

இச்சம்பவம் நேற்று (சனிக்கிழமை) நள்ளிரவு ஏறாவூரில் இடம்பெற்ற பிரசாரக்கூட்டத்தில், ஸ்ரீலங்கா முஸ்லிம் காங்கிரஸ் கட்சியின் பிரதித் தலைவரும், கிழக்கு மாகாண முன்னாள் முதலமைச்சருமான செய்னுலாப்தீன் நஸீர் அஹமட் முன்னிலையில் இடம்பெற்றது.

ஏறாவூர் நகர சபைக்கான வேட்பாளர் கே.எல். அக்கீல் அர்சாத் தலைமையிலான குழுவினர் கடைசி நேரம் வரை முன்னாள் ஜனாதிபதி மஹிந்த ராஜபக்ஷவின் தாமரை மொட்டு அணியின் வெற்றிக்காக பிரச்சாரங்களில் ஈடுபட்டு வந்திருந்த வேளையில் எவரும் எதிர்பாராத விதத்தில் ஐக்கிய தேசியக் கட்சி சார்பிலான ஸ்ரீலங்கா முஸ்லிம் காங்கிரஸ் கட்சிக்குத் தாவியுள்ளனர்.

திடீரென ஐக்கிய தேசியக் கட்சி பிரச்சார மேடைக்கு வந்தமர்ந்த அவர்கள் அனைவரும் முன்னாள் முதலமைச்சர் செய்னுலாப்தீன் நஸீர் அஹமட் உடன் தாங்கள் நிபந்தனையின்றி இணைந்து கொள்வதோடு அந்த அணியின் வெற்றிக்காகப் பாடுபடவுள்ளதாகவும் தெரிவித்தனர்.

எதிர்வரும் 26 ஆம் திகதி ஏறாவூர் உட்பட மட்டக்களப்பு மாவட்டத்தின் சில இடங்களுக்கு முன்னாள் ஜனாதிபதி மஹிந்த ராஜபக்ஷ வருகை தரவுள்ளதாக எதிர்பார்க்கப்பட்டிருந்த வேளையில் தாமரை மொட்டு வேட்பாளர்களின் இந்த கட்சித் தாவல் இடம்பெற்றுள்ளமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg