Chrome Badge
athavannews.png
Athavan News switch to mobile site switch to desktop site

தமிழ்மக்கள் சிந்தித்து செயற்பட வேண்டும்: சீ.வீ.கே.சிவஞானம்

In இலங்கை
Updated: 08:20 GMT, Jan 23, 2018 | Published: 08:20 GMT, Jan 23, 2018 |
0 Comments
1091
This post was written by : Puvanes

அன்னப்பறவைகள் போன்று எமது தமிழ் மக்களும் வேட்பாளர்களை முறையாக தெரிவு செய்வார்கள் என வடமாகாண சபையின் அவைத்தலைவர் சீ.வீ.கே.சிவஞானம் தெரிவித்துள்ளார்.

நல்லூர் இளங்கலைஞர் மன்றத்தில் நேற்று (திங்கட்கிழமை) தமிழ்த் தேசியக் கூட்டமைப்பின் யாழ் மாநகர சபைக்கான தேர்தல் விஞ்ஞாபன வெளியீட்டு நிகழ்வு இடம்பெற்றது. குறித்த நிகழ்வில் கலந்துகொண்டு கருத்து தெரிவிக்கும் போதே அவர் இதனைக் கூறியுள்ளார். தொடர்ந்து அவர் அங்கு கருத்து தெரிவிக்கையில்,

எம்மை விட்டு விலகிப்போகுமாறு கூறுகின்றவர்கள் தாம் என்ன செய்யப்போகின்றோம் எனவும், தம்மால் என்ன செய்ய முடியும் என்பதையும் கூறவேண்டும் அதுவே ஆராக்கியமான விடயமாகும்.

அதனை விடுத்து கட்சியையும், கட்சியின் உறுப்பினர்களையும் விமர்சிப்பதில் எந்தவித அர்த்தமும் இல்லை. அவசியமற்ற விடயங்களைப் பேசி மக்கள் மத்தியில் குழப்பங்களை ஏற்படுத்தவேண்டாம்.

எங்களது கட்சி இதுவரையிலும் மக்களை ஏமாற்றி செயற்பட்டது கிடையாது எனவே தற்போதைய சூழலில் மக்கள் சிந்தித்துச் செயற்பட வேண்டும் எனவும் சிவஞானம் மேலும் தெரிவித்துள்ளார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg