Chrome Badge
athavannews.png
Athavan News switch to mobile site switch to desktop site

போக்கிரி பையன்

In திரை விமர்சனம்
Updated: 11:54 GMT, Mar 13, 2018 | Published: 09:53 GMT, Mar 13, 2018 |
0 Comments
1089
This post was written by : Vithushagan

போலி நாணயத்தாள் கடத்தலில் பெரும் புள்ளியாக இருக்கும் பிரகாஷ் ராஜ் ஹாங்காங்கில் வசித்து வருகிறார். இவர் சென்னையில் ஆஷிஷ் வித்யார்த்தி போலி நாணயத்தாள் வியாபாரம் செய்து வருகிறார். இவர்களுக்கு எதிராக ஒரு கூட்டம் செயல்பட்டு வருகிறது.

சென்னையில் ஆதரவற்ற இல்லத்தில் இருக்கும் ஜூனியர் என்.டி.ஆர், தான் உழைக்கும் பணத்தை அந்த இல்லத்திற்கே செலவு செய்து வருகிறார். ஒரு பிரச்சனையில் சிறப்பாக சண்டைப் போட்டதால், ஆஷிஷ் வித்யார்த்தி கூட்டத்தில் இணைகிறார். பல சிறப்பான விடயங்கள் செய்வதால் ஆஷிஷிடம் நல்ல பெயரைப் பெற்று விடுகிறார்.

இந்நிலையில் ஹொங்கொங்கில் ஒரு வேலை வருகிறது. இதை முடிப்பதற்காக என்.டி.ஆர். செல்கிறார். அந்த வேலையை சிறப்பாக செய்து முடித்து பிரகாஷ் ராஜ் மனதில் இடம்பிடிக்கிறார்.

பின்னர் சென்னை திரும்பும் என்.டி.ஆருக்கு, ஆதரவற்ற இல்லத்தில் இருக்கும் சிறுவனுக்கு உடல் நிலை சரியில்லாததால் 10 இலட்சம் ரூபாய் பணம் தேவைப்படுகிறது. இதற்காக ஆஷிஷ் வித்யார்த்தியிடம் பணம் கேட்கிறார் என்.டி.ஆர். ஆனால், அவரோ பணம் தர மறுத்து விடுகிறார். இதனால் கோபப்படும் என்.டி.ஆர்., துப்பாக்கி முனையில் ஆஷிஷ் வித்யார்த்திடம் இருக்கும் பணத்தை எடுத்து சென்று விடுகிறார்.

அந்த சிறுவனின் சிகிச்சைக்குப் பிறகு பிரகாஷ் ராஜ், ஆஷிஷ் வித்யார்த்திக்கு எதிராக செயற்பட்டு வரும் கேங்கிடம் சேர்ந்து விடுகிறார். மேலும் பிரகாஷ் ராஜை கொல்லப் போவதாக அவரிடம் சொல்கிறார். இதைக் கேட்ட பிரகாஷ் ராஜ் ஹொங்கொங்கில் இருந்து சென்னை வருகிறார்.

இறுதியில் என்.டி.ஆர். பிரகாஷ் ராஜை கொலை செய்தாரா இல்லையா என்பதே படத்தின் மீதிக்கதை.

தெலுங்கில் ‘கன்த்திரி’ என்ற பெயரில் 2008ஆம் ஆண்டு வெளியான இப்படம், தற்போது டப்பிங் செய்யப்பட்டு ‘போக்கிரி பையன்’ என்ற பெயரில் வெளியாகியுள்ளது. இப்படம் எக்‌ஷன் கலந்து மாஸ் என்டர்டெயின்ட் படமாக உருவாகி இருக்கிறது. 2008ம் ஆண்டு வெளியான படம் என்பதால், அப்போது பார்த்திருந்தால் ரசிக்கும் படமாக இருந்திருக்கும். ஆனால், தற்போது பார்க்கும் போது, லொஜிக் இல்லாதது போல் தோன்றுகிறது.

கதாநாயகனாக நடித்திருக்கும் ஜூனியர் என்.டி.ஆர், வழக்கம் போல் சிறப்பான நடிப்பை வெளிப்படுத்தியுள்ளார். இவருக்கு ஜோடியாக ஹன்சிகா நடித்திருக்கிறார். ஹன்சிகாவிற்கு வேலை அதிகமாக இல்லை என்றாலும் கொடுத்த வேலையை சிறப்பாக செய்திருக்கின்றார்.

வில்லத்தனத்தில் மிரட்டி இருக்கிறார் பிரகாஷ் ராஜ். இவருக்கு உதவியாளராக வரும் ஆஷிஷ் வித்யார்த்தி ஓரளவிற்கு ரசிக்க வைத்திருக்கிறார். மணி ஷர்மா இசையில் பாடல்கள் அனைத்தும் சுமார் ரகம். டப்பிங் படம் என்பதால் சுமாரான வரவேற்பை பெற்றிருக்கிறது. சமீர் ரெட்டியின் ஒளிப்பதிவு சிறப்பு.

மொத்தத்தில் ‘போக்கிரி பையன்’ பழைய பையன்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg