Chrome Badge
athavannews.png
Athavan News switch to mobile site switch to desktop site

கருப்பிரவினை காதலிக்கிறேன்

In
Updated: 15:21 GMT, Apr 15, 2018 | Published: 15:21 GMT, Apr 15, 2018 |
0 Comments
1079
This post was written by : Puvanes

பகல்கள் போலியானவை!
அந்தரங்கம் காக்க இயலா
ஆபத்தான தோழமை
களிப்பிற்கு மட்டும் பழக்கப்பட்ட
புரிதலற்ற தீர்வுகள்

நெரிசல், சத்தத்தை பிரசவிக்கும்
எந்திர கருவறைகள்
வெப்பத்தை படியளக்கும்
கொடுங்கோலன் கூர்முனைகள்

நான் கடந்து செல்கிறேன்
என் இலக்கை யாரோ
நிர்ணயிக்க முற்படுகிறான்
மறுக்கிறேன்
பாதையினையேனும் வடிவமைக்க
பலவந்தப்படுத்துகிறான்

நான் அணியும் ஆடைகளை
தரமதிப்பு செய்யும் ஒருவன்
அடுத்தவர்களால் ஆமோதிக்கப்படுகிறான்

பயணம் தொடங்குகிறேன்
முதுகின் பின்னால்
பெயர் சொல்லி அழைக்கிறாள்
அம்மா
என் காதுகளில் விழவில்லை
நகரும் பேருந்து;

ஜன்னலோர இருக்கை
பயணிக்கும் மரங்களை
தொட்டுவிட எத்தனிக்கிறேன்
தோள் தட்டி யாரோ என்
கற்பனை கலைக்கிறான்
இரண்டே ரூபாய்க்காய்

**** ****

நான் இரவுகளை நேசிக்கிறேன்
இங்கே
ஊமத்தைகளும் குயில்களும்
குரலெழுப்புகின்றன; அவற்றின்
குரல்வளையை யாரும்
நசுக்குவதில்லை

மரங்களின் தலை கோதி – என்னை
தேடி வரும் தென்றலுக்குள்
விஷம் யாரும் கலப்பதில்லை

என் உள்ளாடைகளின் தரம்பற்றி
விவாதம் நடப்பதில்லை
ஆடையே அணியவில்லை- எனினும்
அவமானப்பட்டதில்லை

நினைவுகளின் தாக்கத்தால்
சிரிக்கின்றேன்!
யார் என்னை பைத்தியமென்பர்?
அழுகின்றேன்!
யார் வந்து காரணம் கேட்பார்?

நேற்றின் கனவுகளை
சத்தமாக அசைபோடுகிறேன்
அபத்தம் சொல்ல எவருண்டு?

**** ****
கறுப்பானவளென்று
கவலை கொள்ளாத

ஆதிக்க சூரியனுக்கு
அடிவருடாத

தூக்கத்தில் துன்பங்களை
தூண்டிவிடாத

நான் நானாக வாழ
மறுப்பு சொல்லாத

கருப்பிரவின் காதலன் நான்

 

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)