Chrome Badge
athavannews.png
Athavan News switch to mobile site switch to desktop site

கிளிநொச்சியைச் சேர்ந்த குடும்பத்தலைவர் கொழும்பில் மாயம்!

In இலங்கை
Updated: 16:58 GMT, Apr 15, 2018 | Published: 16:58 GMT, Apr 15, 2018 |
0 Comments
1143
This post was written by : Ravivarman

கொழும்பில் பணி நிமித்தம் வசித்து வந்த கிளிநொச்சியைச் சேர்ந்த குடும்பத்தலைவரை கடந்த 12ஆம் திகதி முதல் காணவில்லை என அக்கராயன் பொலிஸ் நிலையத்தில் முறைப்பாடு செய்யப்பட்டுள்ளது.

கிளிநொச்சி, ஆனைவிழுந்தானைச் சேர்ந்த ஒரு பிள்ளையின் தந்தையான 46 வயதுடைய வேலாயுதம் விக்கினேஸ்வரன் என்பவரே காணாமற்போயுள்ளார் என அவரது மனைவி திருமதி வி.விஜயகுமாரி நேற்று (சனிக்கிழமை) முறைப்பாடு செய்துள்ளார்.

இச்சம்பவம் தொடர்பில் மேலும் தெரியவருவதாவது, கொழும்பில் தனியார் நிறுவனம் ஒன்றில் அவர் பணியாற்றுவதுடன், புத்தாண்டை முன்னிட்டு கடந்த 12ஆம் திகதி வியாழக்கிழமை காலை 8.30 மணியளவில் வீடு திரும்பவுள்ளதாக அவர் தனது மனைவியிடம் தொலைபேசியில் கதைத்துள்ளார்.

அதன்பின்னர் அவர் தொலைபேசியில் தொடர்புகொள்ளவில்லை என்பதுடன் அவரது தொலைபேசியும் செயலிழந்துள்ளது.  கணவர் இரண்டு நாட்களாக தொலைபேசியில் தொடர்பு கொள்ளாது வீட்டிற்கும் திரும்பவுமில்லை என்ற நிலையிலேயே அவரது மனைவி நேற்று அக்கராயன் பொலிஸ் நிலையத்தில் முறைப்பாடு செய்துள்ளார்.

அத்துடன் குடும்பத்தலைவர் பணியாற்றும் நிறுவனத்துடன் தொடர்புகொண்ட போது, 11ஆம் திகதியுடன் அவர் பணிக்கு வரவில்லை என பதில் வழங்கப்பட்டதாகவும் கூறப்படுகின்றது.

குறித்த முறைப்பாடு தொடர்பில் பொலிஸ் தலைமையகம் ஊடாகச் சகல பொலிஸ் நிலையங்களுக்கும் அறிவிக்கப்பட்டுள்ளதுடன், இன்றிரவு வரை எந்தத் தகவலும் கிடைக்கவில்லை என அக்கராயன் பொலிஸார் தெரிவித்ததாக காணாமல்போன குடும்பத்தலைவரின் உறவினர்கள் தெரிவித்துள்ளனர்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)