Chrome Badge
athavannews.png
Athavan News switch to mobile site switch to desktop site

சசிகலா, தினகரனின் வழக்கு விசாரணை ஒத்திவைப்பு

In இந்தியா
Updated: 02:42 GMT, Jun 13, 2018 | Published: 02:42 GMT, Jun 13, 2018 |
0 Comments
1088
This post was written by : sujithra

அ.தி.மு.க.வில் வகித்துவந்த பதவியில் இருந்து நீக்கப்பட்டதை எதிர்த்து சசிகலா மற்றும் டி.டி.வி.தினகரன் ஆகியோர் தாக்கல் செய்த வழக்கு விசாரணையை சென்னை உயர்நீதிமன்றம் அடுத்த மாதம் 19ஆம் திகதி வரை ஒத்திவைத்துள்ளது.

சசிகலா மற்றும் தினகரன் தரப்பினர் தாக்கல் செய்திருந்த வழக்கு விசாரணை நேற்று (செவ்வாய்க்கிழமை) இடம்பெற்றபோது வழக்கு ஒத்திவைக்கப்பட்டது.

தமிழக முன்னாள் முதல்வர் ஜெயலலிதாவின் மறைவின் பின்னர், முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் ஆகியோர் தனித்தனி அணியாக செயற்பட்டனர். அதன்பின்பு, இரு தரப்பினரும் ஒன்றிணைந்து கடந்த வருடம் செப்டெம்பர் 12ஆம் திகதி பொதுக்குழு கூட்டம் நடைபெற்றது.

இதன்போது, அ.தி.மு.க.வின் தற்காலிக பொதுச்செயலாளராக நியமிக்கப்பட்ட சசிகலா மற்றும் துணைப் பொதுச்செயலாளராக நியமிக்கப்பட்ட டி.டி.வி.தினகரன் ஆகியோரை கட்சியில் இருந்து நீக்கி தீர்மானம் நிறைவேற்றப்பட்டதுடன் பொதுச்செயலாளர் என்ற பதவியும் நீக்கப்பட்டது. இதற்கு எதிர்ப்புத் தெரிவித்தே சசிகலா மற்றும் தினகரன் தரப்பினர் வழக்குத் தாக்கல் செய்திருந்தனர்.

இதேவேளை ஏற்கனவே செயல்பட்டு வந்த புரட்சித்தலைவி அம்மா அணி, அம்மா அணி என்ற அணிகள் தற்போது இல்லாத காரணத்தினால் தங்களது மனுவில் திருத்தம் செய்து மீண்டும் தாக்கல் செய்ய கால அவகாசம் வழங்க வேண்டும் என்று சசிகலா மற்றும் தினகரன் தரப்பில் ஆஜரான வழக்கறிஞர் கோரிக்கை விடுத்தார். இதனை ஏற்றுக்கொண்ட நீதிபதி, வழக்கு விசாரணையை அடுத்த மாதம்19ஆம் ஒத்திவைத்து உத்தரவிட்டுள்ளார்.

எவ்வாறாயினும், அ.தி.மு.க.வின் திருத்தங்கள் மற்றும் உறுப்பினர் நியமனங்களுக்கு கடந்த இரண்டு தினங்களுக்கு முன்னர் தேர்தல் ஆணையகம் ஒப்புதல் வழங்கியிருந்தமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)