Chrome Badge
athavannews.png
Athavan News switch to mobile site switch to desktop site

வர்த்தகப் போரை உருவாக்குமா அமெரிக்காவின் நடவடிக்கை? – நோர்வே கவலை

In ஐரோப்பா
Updated: 02:54 GMT, Jul 12, 2018 | Published: 02:54 GMT, Jul 12, 2018 |
0 Comments
1110
This post was written by : Varshini

ஐரோப்பிய ஒன்றிய நாடுகளிலிருந்து இறக்குமதி செய்யப்படும் பொருட்களுக்கு அமெரிக்கா வரி விதித்துள்ளமையானது, வர்த்தகப் போரை உருவாக்க வழிவகுக்குமென நோர்வே குறிப்பிட்டுள்ளது.

நோர்வேயின் தொழிற்துறை மற்றும் வணிகத்துறை என்பன இதுகுறித்து அதிக கரிசனை வெளியிட்டுள்ளதோடு, இது வர்த்தக ரீதியான பதற்றத்தை மேலும் அதிகரிக்கச் செய்யுமென கவலை வெளியிட்டுள்ளன.

ஐரோப்பிய ஒன்றிய நாடுகளிலிருந்து இறக்குமதி செய்யப்படும் பொருட்களுக்கான, அமெரிக்காவின் வரிவிதிப்பு கடந்த ஜூன் மாதம் முதலாம் திகதி அமுலுக்கு வந்தது. அத்தோடு, 34 பில்லியன் அமெரிக்க டொலர் பெறுமதியான சீன இறக்குமதி பொருட்களுக்கு 25 வீத வரிவீதமும் கடந்த 6ஆம் திகதிமுதல் அமுல்படுத்தப்பட்டுள்ளது.

அமெரிக்காவின் இச்செயற்பாடு தொடர்பில் ஐரோப்பிய நாடுகளும் சீனாவும் கடும் எதிர்ப்பை வெளியிட்டு வருகின்றன. இந்நிலையில், நோர்வேயின் வர்த்தகத் துறையும் இவ்விடயம் தொடர்பாக குரலெழுப்பியுள்ளது.

அமெரிக்காவின் வரி விதிப்பானது, நாட்டின் பொருளாதார வளர்ச்சி மற்றும் சந்தையில் மாத்திரமன்றி பொருட்களின் மதிப்பிலும் பாதிப்பை ஏற்படுத்துமென நோர்வே சர்வதேச நிறுவன கூட்டமைப்பின் பணிப்பாளர் Tore Myhre குறிப்பிட்டுள்ளார்.

இதேவேளை, அமெரிக்காவின் இந்நடவடிக்கை தொடருமாயின் ஐரோப்பிய நாடுகள் தக்க பதிலை வழங்குமென அண்மையில் பிரான்ஸ் தெரிவித்திருந்தமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)