Chrome Badge
athavannews.png
Athavan News switch to mobile site switch to desktop site

எல்லையில் உள்ள பயங்கரவாதிகளுக்கு எதிரான நடவடிக்கைகள் மேற்கொள்ளப்படும்: யில்டிரிம்

In ஐரோப்பா
Published: 09:40 GMT, Aug 12, 2017 |
0 Comments
1215
icon_com
This post was written by : Sylviya

துருக்கியின் எல்லையில் நிலைகொண்டுள்ள பயங்கரவாதிகளுக்கு எதிரான நடவடிக்கைகள் மேற்கொள்ளப்படும் என துருக்கியின் பிரதமர் பினாலி யில்டிரிம் தெரிவித்துள்ளார்.

துருக்கித் தலைநகர் அங்காராவில் நேற்று (வெள்ளிக்கிழமை) ஊடகவியலாளர்களுக்கு கருத்து தெரிவித்த போதே அவர் இவ்வாறு தெரிவித்துள்ளார்.

சிரியாவின் இத்லிப் மாகாணத்துடனான துருக்கியின் எல்லையில் அல் கொய்தா பயங்கரவாதிகளுடன் தொடர்புடைய சில ஜிகாதிக் குழுக்கள் நிலைபெற்றுள்ளதாகவும் அவர்களை விரட்டியடிக்கும் பொருட்டு தகுந்த நடவடிக்கைகள் மேற்கொள்ளப்படும் எனவும் பினாலி விளக்கம் அளித்துள்ளார்.

சிரியாவுடனான துருக்கியின் பாப் அல் – ஹவா எல்லை ஊடாக உதவிப் பொருட்கள் அனுப்பி வைக்கப்படுவது கட்டுப்படுத்தப்படும் என துருக்கியின் சுங்க மற்றும் வர்த்தக அமைச்சர் பியூலன்ட் தெரிவித்ததைத் தொடர்ந்தே யில்டிரிம் மேற்படி தெரிவித்துள்ளார்.

இந்நிலையில், பொருட்கள் அனுப்பி வைக்கப்படுவது அனுமதிக்கப்பட்டாலும் குறித்த எல்லை ஊடாக ஆயுதங்கள் அனுப்பப்படுவது அனுமதிக்கப்படாது என ஜனாதிபதி தையீப் எர்டோகனும் நேற்று தெரிவித்துள்ளமை குறிப்பிடத்தக்கது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg