Chrome Badge
athavannews.png
Athavan News switch to mobile site switch to desktop site

ரஷ்ய விமான விபத்து: தீவிர விசாரணை முன்னெடுப்பு

In
Published: 05:26 GMT, Feb 12, 2018 |
0 Comments
1056
This post was written by : Suganthini

ரஷ்யாவுக்குச் சொந்தமான பயணிகள் விமானமொன்று விபத்துக்குள்ளானமை தொடர்பாக, அந்நாட்டு அதிகாரிகள் தீவிர விசாரணையை முன்னெடுத்துள்ளனர்.

இந்த விமான விபத்துத் தொடர்பான விசாரணை மேற்கொள்வதற்காக, குழுவொன்றை நியமிக்க உத்தரவிடப்பட்டுள்ளதுடன், ரஷ்ய விசாரணைக் குழுவினர் விசாரணை ஆரம்பித்துள்ளனர்.

சீரற்ற காலநிலை, மனிதத் தவறு, தொழில்நுட்பக் கோளாறு ஆகியவற்றில் ஏதாவதொன்று விபத்துக்குக் காரணமாக அமையலாமெனவும், அதிகாரிகள் கூறியுள்ளனர்.

சரடோவ் விமான நிறுவனத்துக்குச் சொந்தமான அன்டோனோவ் -148 எனும் விமானம், தலைநகர் மொஸ்கோவிலுள்ள டோமொடெடோவோ(Domodedovo) விமான நிலையத்திலிருந்து, ஆர்ஸ்க் நகர் நோக்கி நேற்று (ஞாயிற்றுக்கிழமை) புறப்பட்டது. இந்நிலையில், விமானம் புறப்பட்டுச் சிறிதுநேரத்தில் மொஸ்கோவுக்கு அருகிலுள்ள ஆர்குனோவோ இடத்தில் விபத்துக்குள்ளானது.

விமானம் புறப்பட்டுச் சில நிமிடங்களில் விமானக் கட்டுப்பாட்டு அறையுடன்   விமானம்  தொடர்பின்றிக் காணப்பட்டதுடன், கண்காணிப்பு ரேடாரிலிருந்தும் விமானம் காணாமல் போயிருந்தது.

மேலும், இந்த விமானம் விபத்துக்குள்ளான வேளையில், விமானத்தில் 65 பயணிகளும் 6 விமானப் பணியாளர்களும் இருந்துள்ளனர். இந்நிலையில், விமானத்தலிருந்த 71 பேரும் உயிரிழந்துள்ளதாகவும் தெரிவிக்கப்பட்டுள்ளது.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)