Chrome Badge
athavannews.png
Athavan News switch to mobile site switch to desktop site

வடக்கிலுள்ள பிரச்சினை அடுத்த தலைமுறைக்கு தொடரக்கூடாது: ஆளுநர் குரே

In இலங்கை
Updated: 09:51 GMT, May 15, 2018 | Published: 09:51 GMT, May 15, 2018 |
0 Comments
1198
This post was written by : Varshini

வடக்கு மாகாணத்தில் தொடரும் வறட்சியால் மக்கள் பாரிய பிரச்சினைகளுக்கு முகங்கொடுத்துள்ளதாகவும், இப்பிரச்சினை அடுத்த தலைமுறைக்கும் தொடரக்கூடாதென்றும் வடக்கு மாகாண ஆளுநர் ரெஜினோல்ட் குரே தெரிவித்துள்ளார்.

வறட்சியை நிவர்த்திசெய்ய தேவையான நடவடிக்கைகளை முன்னெடுத்து வருவதாகவும், அதன் பிரகாரம் மரநடுகை மாதத்தில் யாழ்ப்பாணத்தில் நான்காயிரம் மரக்கன்றுகளை நடவுள்ளதாகவும் ஆளுநர் மேலும் தெரிவித்துள்ளார்.

எதிர்வரும் ஜுன் மாதம் 5ஆம் திகதி மரநடுகை மாதம் ஆரம்பமாகவுள்ளது. அது தொடர்பாக விளக்கமளிக்கும் செய்தியாளர் சந்திப்பு ஆளுநர் அலுவலகத்தில் இன்று (செவ்வாய்க்கிழமை) காலை இடம்பெற்ற போது அவர் இவ்விடயத்தைக் குறிப்பிட்டார்.

அரசாங்கமும், ஆளுநர் அலுவலகமும், வடக்கு மாகாண சபையும், யாழ்.மாநகர சபையும் இணைந்து முன்னெடுக்கவுள்ள இந்த வேலைத்திட்டத்தில், வறட்சி பிரதேசங்களை கவனத்திற்கொண்டு தெங்கு, தேக்கு, மாமரம், நெல்லிமரம், ஜம்பு நாவல், சவுக்கு, சுந்தர வேம்பு, பூவரசு உள்ளிட்ட மரக்கன்றுகளை நடுவதற்கான ஏற்பாடுகள் செய்யப்பட்டுள்ளதாக ஆளுநர் விளக்கமளித்தார்.

குறிப்பாக யாழ். பண்ணை கடற்கரை வீதி, காரைநகர், கொழும்புத்துறை, சென்.பற்றிக்ஸ் வீதி மற்றும் யாழ். கடற்கரை வீதி ஆகிய பகுதிகளில் மரங்களை நடவுள்ளதாக ஆளுநர் குறிப்பிட்டார்.

மரங்களுக்கான உரம் இடும் நடவடிக்கைகளை யாழ்.மாநகர சபை மற்றும் பாடசாலைகள் முன்னெடுக்க வேண்டும் என்றும், நகரத்தினை பச்சை நிற தோற்றமுடையதாக மாற்றமுடியுமென்ற நம்பிக்கை உள்ளதாகவும் ஆளுநர் மேலும் தெரிவித்தார்.

இந்த இலக்கினை வெற்றியடையச் செய்ய அனைவரும் ஒன்றிணைய வேண்டுமென குறிப்பிட்ட வடக்கு ஆளுநர், அதனூடாக வடக்கு மாகாணத்தை பசுமையாக மாற்றியமைக்க முடியுமென நம்பிக்கை வெளியிட்டார்.

இப்பத்திரிகையாளர் சந்திப்பில், வடக்கு மாகாண விவசாய அமைச்சர் க.சிவநேசன், யாழ்.மாநகர மேயர் இம்மானுவேல் ஆர்னோல்ட் ஆகியோரும் கலந்துகொண்டிருந்தனர்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)