Chrome Badge
athavannews.png
Athavan News switch to mobile site switch to desktop site

இனத்தின் ஒற்றுமையை வலுப்படுத்தும் நாளாக மே 18ஆம் திகதி: விக்னேஸ்வரன் அழைப்பு

In இலங்கை
Updated: 11:28 GMT, May 15, 2018 | Published: 11:28 GMT, May 15, 2018 |
0 Comments
1126
This post was written by : poovannan

எதிர்காலத்தில் தமிழ் இனத்தை ஒன்றிணைக்கும் ஒரு நாளாக மே 18ஆம் திகதி விளங்க அனைவரும் ஒன்றுபட வேண்டும் என வட. மாகாண முதலமைச்சர் சி.வி.விக்னேஸ்வரன் அழைப்புவிடுத்துள்ளார்.

முள்ளிவாய்க்காலில் உயிரிழந்த உறவுகளின் நினைவேந்தல் தொடர்பாக இன்று (செவ்வாய்க்கிழமை) வெளியிட்டுள்ள அறிக்கையிலேயே அவர் இவ்வாறு தெரிவித்துள்ளார்.

அவர் மேலும் அவ்வறிக்கையில், “முள்ளிவாய்க்கால் நிகழ்வினை அனுஷ்டிப்பதில் முரண்பட்ட சில தரப்பினர், அந்நிகழ்வின் உண்மைத்தன்மையை அறிந்து ஒன்றுபட்டமையைப் போல, எதிர்காலத்தில் எமது இனத்தை ஒன்றிணைக்கும் நாளாக மே 18ஆம் திகதி விளங்க நாம் ஒன்றுபட வேண்டும்.

நினைவேந்தல் நடைபெறும் முள்ளிவாய்க்கால் நினைவுத் தூபிக்கு அருகில் மே 18ஆம் திகதி காலை 10.15 மணிக்கு யாழ்ப்பாணம், வவுனியா, மன்னார், முல்லைத்தீவு மற்றும் கிளிநொச்சி ஆகிய மாவட்டங்களிலிருந்து விசேட பேருந்து சேவைகள் மூலம் மக்கள் அழைத்துவரப்பட இருக்கின்றனர்.

பின்னர் காலை 11.00 மணியளவில் முதலமைச்சரால் கையளிக்கப்பட்ட ஈகைச் சுடரை உறவுகளை இழந்த வயோதிபத் தாய் ஏற்றுவார். அதனைத் தொடர்ந்து ஏனைய சுடர்களை உறவுகளை இழந்தோர் ஏற்றுவர். இதன்போது மலர்தூவி அஞ்சலியும் செலுத்தப்படும். அவ்வேளையில் நினைவு இசை எழுப்பப்படும்.

அதனைத் தொடர்ந்து முதலமைச்சர் உரை நிகழ்த்துவார். அதனையடுத்து நினைவுதின நிகழ்வுகள் யாவும் நிறைவுபெறும்.

இந்நினைவுதினத்தில் சகல மக்களும் கடையடைப்பு, கைகளில் கறுப்புப் பட்டியணிதல், கோயில்களில் பிரார்த்தனையில் ஈடுபடுதல் மற்றும் இரண்டு நிமிட மௌன அஞ்சலி செலுத்துதல் போன்றவற்றில் ஈடுபட்டு, குறித்த தினத்தில் உயிரிழந்தவர்களை நினைவுகொள்ள அனைவரும் ஒன்றுபட வேண்டும்” எனத் தெரிவித்துள்ளார்.

toon

ஆதவன் செய்திகளை E-mail இல் பெற்றுக்கொள்ள பதிவுசெய்யுங்கள்.

Subscribe
bg

உங்கள் கருத்துக்கள்

அன்புள்ள வாசகர்களே, நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. கருத்துக்கள் தகுந்த தணிக்கைக்குப் பிறகே பதிவேற்றம் செய்யப்படுகின்றன. எனவே நாகரீகமான கருத்துக்களை மட்டுமே பதிவு செய்யுமாறு வாசகர்கள் கேட்டுக்கொள்ளபடுகின்றனர். முக்கியமான புலங்கள் குறிக்கப்பட்டுள்ளன *

தமிழில் பதிவிடுவதற்கு Google Input Toolsயை பயன்படுத்தவும்.

  Type Comments in Tamil language (Press Ctrl+g to toggle between English and Tamil)