தலைப்பு செய்திகள்

குண்டு வெடிப்புச் சம்பவங்கள்: மன்னாரில் கறுப்புக்கொடி ஏற்றி எதிர்ப்பு

In இலங்கை     April 22, 2019 8:37 am GMT     0 Comments     2512     by : Yuganthini

குண்டு வெடிப்புச் சம்பவங்களை கண்டித்த மன்னார் வர்த்தகர்கள், கறுப்புக்கொடி ஏற்றி தங்களது எதிர்ப்பை வெளிப்படுத்தியுள்ளனர்.

நாட்டில் நேற்றைய தினம் நடத்தப்பட்டிருந்த தொடர் குண்டுத் தாக்குதல்களில் 290க்கும் மேற்பட்டோர் உயிரிழந்துள்ளதுடன் 500க்கும் மேற்பட்டோர் படுகாயமடைந்துள்ளனர்.

இந்நிலையில் குறித்த சம்பவத்தை கண்டித்து மன்னார் பஸார் பகுதியிலுள்ள அனைத்து வர்த்தகர்களும், தங்களது வர்த்தக நிலையங்களை மூடி, கறுப்புக்கொடி ஏற்றி அனுதாபங்களையும் எதிர்ப்பையும் இன்று (திங்கட்கிழமை) வெளிப்படுத்தியுள்ளனர்.

இதேவேளை மன்னார் நகர சபையின் தலைவர் எஸ்.ஞானப்பிரகாசம் தலைமையில் நகர சபை உறுப்பினர்கள் சிலர் மன்னார் பஸார் பகுதியில் கறுப்புக்கொடிகளை  ஏற்றி தமது கண்டனத்தை வெளிப்படுத்தியுள்ளனர்.

இதன்போது மன்னார், பஸார் பகுதியில் கட்டப்பட்டுள்ள அனைத்து கருப்புக் கொடிகளையும் உடனடியாக அகற்றுமாறு, சம்பவ இடத்திற்கு வந்த மன்னார் பொலிஸ் நிலைய பொறுப்பதிகாரி உத்தரவிட்டதோடு ஒரு சில கொடிகளையும் நீக்கியுள்ளனர்.

குறித்த பொலிஸாரின் செயற்பாட்டுக்கு, வர்த்தகர்கள் தங்களது எதிர்ப்பை வெளிப்படுத்தினர். ஆனாலும் பொலிஸார் அதனை கவனத்திற்கொள்ளாமல்  அங்கிருந்து சென்றமை குறிப்பிடத்தக்கது.

0 Shares

மேலும் செய்திகளை உடனுக்குடன் படிக்க, ஆதவன் Android Mobile App இனை, ஆதவன் IOS Mobile App இனை இங்கே கிளிக் செய்து தரவிறக்கம் செய்துகொள்ளுங்கள்.

 

 

பிந்திய செய்திகள்

#Tags

Share via
Facebook
Twitter
LinkedIn
Mix
Email
Print
Copy Link
Powered by Social Snap
Copy link
CopyCopied
Powered by Social Snap